Benny Nisbet (PPA): ‘Otro caso di fracaso di gob AVP/POR. Cas di Cultura den un situacion grave!’
Den cualkier pais un instancia cu tin masha valor y gobernacionan ta garantisa nan existencia ta un asina jama ‘Centro di Cultura’ ! Tur pais ta zorg cu un subsidio annual na un instancia asina ta suficiente pa paga tanto trahador pero tambe pa e mantencion y otro gasto. Aki na Aruba sinembargo e subsidio aparantemente cu diferente signatura tabata duna no tabata jega pa mantencion di edificio conoci como nos ‘Centro di Cultura di Aruba’.
Awo e situacion den Centro di Cultura a jega asina leeuw esta devastador cu gerencia no ta sinti cu ta responsabel pa keda busca solucion interno pero a dicidi di bai publico cu locual por worde considera un crisis/caos y ta pidi un solucion sea di banda di gobierno y/of cooperacion di sector publico. Ta hopi tristo pa un pueblo mira e estado deplorable di e cas cultural pa nos folkore arubano den tur sentido di palabra.
Kiko esaki ta indica !!
Cu durante e ultimo ocho anja di gobernacion AVP/POR como cu e Lider di POR tabata Ministro encarga cu Cultura di nos pais NO a trata nos Centro di Cultura como un prioridad. Durante 8 anja larga x Ministro Otmar Oduber no a zorg pa suficiente fondo pa nos Centro di Cultura por a worde mantene debidamente. Apesar cu a pretende cu cultura a hanja atencion debido cu hopi palabra a resulta cu esaki no tabata e caso cu accion …cu pone fondo dispondibel….!! Cu defensa na nos arte nos cultura y nos folklore en general !! Aki gab. Mike Eman(AVP) cu x ministro Otmar Oduber(AVP/POR) a faya barbaramente !!
Ironia !!
Locual PPA ta considera como ironia ta ora x ministro di Cultura sr Otmar Oduber a bandona AVP y tabata den su desaroyo di su partido P.O.R. e prome instancia cu el a acudi na djele pa presenta fundacion di su partido P.O.R tabata justamente e ‘Centro di Cultura’ den cual E no a inverti manera debe ser y cu awor un par di dia despues ta worde presenta na pueblo como un Edificio den un decadencia di otro mundo. Esaki pa PPA ta ironia di bida y pueblo por pensa hopi bon riba e realidad amargo aki !
Soluccion ??
E director di Centro di Cultura di Aruba sra Arens a larga sa cu un ingeniero/architecto lo ta hasciendo un analisis di e situacion actual cu lo mester di un inversion financiero.
PPA ta conseja gabinete Mike Eman (AVP) pa no hunga wega politico cu nos Centro di Cultura y kana e caminda correcto pa busca fondo pa renova e edificio esta Centro di Cultura na Oranjestad mas pronto cu ta posibel.
Aruba, 19 di januari 2017
Lider Politico di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co