Lider di MEP Evelyn Wever-Croes hunto cu un delegacion di partido MEP a duna un reconosemento na sra Glenda Oduber como hende muher ehemplar.
Sra Glenda Oduber durante 25 anja a sostene lider honorario di partido MEP Nel Oduber, y tabata na 4 ocasion Prome Dama di nos pais na forma ehemplar. Pa tur locual el'a hasi pa partido MEP el'a wordo honra cu e reconosemento bunita aki den cuadro di Dia Internacional di Hende Muher. Sigur un bunita gesto di partido MEP pa reconose e aporte di nos damanan. Presente na e ocasion aki tabata famia di Nel y Glenda Oduber, y di parti di MEP Evelyn Wever-Croes, Xiomara Ruiz-Maduro, Amy Richards, Ady Thijsen, Guillfred Besaril y Dangui Oduber.

Expresionnan haci den e articulo aki no necesariamente ta refleha opinion di ArenaPoliti.co