Dialuna ultimo parlamentarionan di fraccion MEP cu ta forma parti di e comicion di salubridad a reuni cu Minister di Salubridad, representantenan di DESPA y representantenan di Comision di calamidad relaciona cu preparacionan cu a inicia riba e posibel menasa di e virus “ebola” y pa loke ta trata e prevencion di e malesa aki. Den un forma amplio a splica e pasonan y accionnan cu lo wordo tuma segun nan plan si encaso Aruba mester wordo confronta cu e malesa aki. E pasonan necesario a wordo tuma door di gobierno y den principio tin un plan di prevencion cu ta riba papel caba cu y falta algun aspecto pa wordo formalisa. Nos a tuma nota si cu den practica algun detayes importante falta pa wordo concretisa y regla entre otro negocia e suma cu hospital a cobra pa un camber di isolacion cual ta uno bastante halto. Fraccion di MEP ta satisfecho di un banda cu gobierno a tuma iniciativa y pasonan pa prevencion di e virus aki. Pa loke ta trata e informacion treci door di DESPA e la tuma lugar na un forma hopi profesional. Sin embargo nos ta keda preocupa si pasobra ta mustra cu nos no ta cla pa un “ebola-outbreak” ainda y pa e motibo aki nos ta apela na Minister di Salubridad y DESPA pa sigui traha riba e plan y informa parlamento di Aruba debidamente pasobra nunca nos no por ta suficiente prepara pa un malesa asina.

Expresionnan haci den e articulo aki no necesariamente ta refleha opinion di ArenaPoliti.co