ORANJESTAD – Minister di Salubridad Publico, Cuido di nos Grandinan y Deporte dr. Alex Schwengle tabata presente na e reunion cu a sostene e siman aki cu representante di UNICEF, Niels Karlsberg. Minister Schwengle ta contento y ta gradici cualkier aporte y sosten cu e institucion aki por brinda na ehecucion di e plan integral di Gabinete Mike Eman II. E plan ta crea door di colega Minister drs. Paul Croes y ta coordina tur e departamentonan publico concerni cu bienestar di mucha y hoben.

Minister Schwengle a expresa cu e programa ta uno hopi bon, aunke ambicioso despues di a lesa e rapport, pero den mesun rosea ta manifesta su siguridad cu Gabinete Mike Eman ta percura pa e cooperacion intensivo necesario pa hacie un realidad.

“Nos ta hopi gradicido cu Sr. Karlsberg ta akinan pa no solamente wak nos programanan cu nos tin andando, pero tambe pa por duna nos un conseho tambe con nos por mehora nos plannan,” Minister Schwengle a duna di conoce na salida di e reunion.

E ta para tras di e iniciativa aki ya cu un coordinacion entre ministernan ta nifica mas probecho pa nos hubentud. Gabinete Mike Eman II ta di acuerdo cu e experto di UNICEF cu mester inverti mas den bo futuro y bo futuro ta e muchanan.

Expresionnan haci den e articulo aki no necesariamente ta refleha opinion di ArenaPoliti.co