Riba dialuna Parlamento di Aruba a cuminsa trata e ley di “green corridor” unda cu un di e prome oradornan tawata lider di fraccion di MEP Sra. Evelyn Wever-Croes. Na e inicio di e reunion lider di fraccion a pidi un punto di ordo relaciona cu e hecho cu sr. Dammers ta presidiendo e reunion. Den linea grandi e punto di ordo tawata pa pone enfasis riba e integridad di e posicion di e presidente di parlamento.

Lider di MEP a expresa lo siguiente: “Mi ta pidi pa na e vice presidente di Parlamento pa por laga un otro hende sinta riba e stoel ey tanten cu e ta bou investigacion pa cu e accidente cu propiedad publico y bandona e sitio. Tanten cu e situacion ta confuso no ta bon pa Sr Dammers presidi reunionnan publico. Adicionalmente parlamentario Wever-Croes a bisa “ cu ningun hende por kite di sinta den sala pasobra pueblo a eligie. Pero e solo hecho cu tanten cu e no ta bou un investigacion e no ta bon pa integridad di Parlamento di Aruba.

E esencia di e punto di ordo tawata cu integridad den parlamento ta algo hopi importante y cu esaki mester wordo respeta. Lamentablemente ningun persona di e fraccion di AVP no a wak mas aleu y a laga esaki continua.

Expresionnan haci den e articulo aki no necesariamente ta refleha opinion di ArenaPoliti.co