Evelyn Wever-Croes (MEP): Congreso di MEP 2015: Compromiso pa cu re-apertura di refineria confirma!
Durante Congreso di MEP dia 27 di september ultimo, miembronan a presenta un resolucion den cual ta confirma e compromiso di partido MEP pa sigi lucha pa habri e refineria. E resolucion a wordo presente pa sra. Terry Gumbs cu ta biba y traha na San Nicolas den nomber di habitantenan di San Nicolas.
E resolucion ta basa riba e sigiente consideracionnan.
Aruba a beneficia di e industria di refineria desde hopi tempo y Historia di nos pais a demostra cu partido MEP ta e unico partido cu a compromete su mes pa re-apertura di refineria, y a cumpli cun’e. Desde oposicion MEP a sigi hasi tur su esfuerzo pa logra re-apertura di e refineria. Lider di MEP a manda un carta pa Valero dia 27 di februari ultimo pa exigi pa para desmantelacion y Glenbert Croes a hasi varios biahe pa Venezuela pa reuni cu ehecutivonan di PDVSA y di gobierno venezolano. Esaki a culmina den un MOU entre gobierno di Aruba y CITGO dia 22 september ultimo. Sin embargo mester ta cauteloso cu aki no ta trata di otro wega di manipulacion di e gobierno aki
Pesey e miembronan a aproba e resolucion cu partido mester sigi hasi tur lo posibel y imposibel pa logra e re-apertura di e refineria. E resolucion a wordo aproba unanimamente y lider di MEP Evelyn Wever-Croes a compromete su mes pa cumpli cu esaki.
Expresionnan haci den e articulo aki no necesariamente ta refleha opinion di ArenaPoliti.co