Gabinete ME II: Prome Minister Mike Eman ta brinda sosten na Kapel di Madiki
![Mike kapel Madiki](/images/imagen/Mike-kapel-Madiki.jpg)
ORANJESTAD – Consciente di e importancia enorme cu luganan di congregacion religioso ta representa pa un comunidad sano, Minister President Mike Eman a bishita diahuebs mainta Kapel di Madiki den e Accion di Bario cu a tene den e bisindario. Den un guia breve, e mandatario a haya splicacion di algun necesidad cu e kapel tin pa por sigui realisa diferente sirbishi.
A tuma nota di trabou di coriente pa airco, mantencion den e cura y tambe algun reparacion cu e edificio mester. Basa riba esaki, e mandatario ta di opinion cu den cooperacion cu boluntarionan di su Ministerio y algun departamento manera Serlimar y DOW, por brinda ayudo valioso. Personal di Ministerio di Asuntonan General, bou direccion di Premier Eman, a tuma e informacionnan necesario pa duna inicio na e esfuersonan.
Prome Minister Mike Eman ta gradici hopi e bon bini caluroso cu el a ricibi na e kapel. Ta spera cu, si tur cos ta duna, pronto lo por keda cla cu e mehoracionnan di e kapel y asina por continua cu e labor bunita cu e kapel ta cumpli cune den e comunidad di Madiki.
![DSC 1549](/images/imagen/DSC_1549.jpg)
Expresionnan haci den e articulo aki no necesariamente ta refleha opinion di ArenaPoliti.co