Den e tabel por mira cu e alumnonan den 6de klas durante añanan escolar a bin ta crece. Aserca ta wordo señala e cantidad y porcentahe di alumnonan cu ta bay prome aña ciclo basico MAVO of HAVO / VWO despues cu nan termina nan scol basico. Aki por mira cu durante añanan escolar cu alumnonan cu ta bay prome aña ciclo basico MAVO of HAVO / VWO despues cu nan termina nan scol basico, a bin ta crece tanto den cantidad di alumno y den porcentahe.

Ciclo basico MAVO ta e prome dos añanan escolar, cual cu nos conose como 1ste jaar y 2de jaar MAVO. Ciclo basico HAVO / VWO ta e prome dos añanan escolar cu ta un combinacion di les di HAVO y VWO niveau. Despues di ciclo basico HAVO / VWO e alumnonan ta wordo parti den HAVO niveau of VWO niveau.

Si pone atencion riba e porcentahe di alumnonan cu ta bay prome aña ciclo basico MAVO despues di nan scol basico di e añanan escolar, tin un averahe di e añanan escolar total di 45.8 %. Den e ultimo añanan escolar a base di cifranan cu por a wordo acumula, ta señala cu mas di 50 % di alumno cu caba 6de klas ta bay prome aña ciclo basico MAVO. Pa medio di estadistica tin un averahe den ultimo añanan escolar di 55 % di alumnonan cu ta bay bay prome aña ciclo basico MAVO despues di termina scol basico.

Locual ta HAVO / VWO a base di e añanan escolar e cantidad di alumnonan cu ta bay bay prome aña ciclo basico HAVO / VWO despues di nan scol basico, ta un averahe di 20.5 %. Aserca por mira cu den e ultimo añanan escolar cu e porcentahe di alumnonan cu ta bay bay prome aña ciclo basico HAVO / VWO despues di nan scol basico ta entre 21 pa 25 % (cu excepcion di ’08-’09 cu ta 19,7 %). Pa medio di e estadistica, e averahe di alumnonan cu ta bay bay prome aña ciclo basico HAVO / VWO despues di scol basic o ta 23 %.

Den regio di Noord e cantidad di alumnonan cu ta den 6de klas a bin ta aumenta durante añanan escolar. Pa medio di e tabel por mira con e cantidad di alumnonan a bin ta desaroya.



Aki por mira cu den e ultimo añanan escolar e cantidad di alumnonan den 6de klas na scolnan basico di Noord, ta entre 220 pa 260 alumno. Como cu den rapportnan di enseñansa bario di Noord y Tanki Leendert ta wordo tresi dilanti como un regio, a trese un bista di e cantidad total di alumnonan di Noord / Tanki Leendert den 6de klas. Total tin den e ultimo añanan escolar un cantidad di 280 pa 310 alumno den 6de klas. Esaki ta indica cu abase di cifranan di ultimo añanan escolar, tin un averahe di 290 alumno den 6de klas den regio Noord / Tanki Leendert.

Si compara cu e porcentahe di alumnonan cu ta bay MAVO of HAVO / VWO despues di 6de klas y e cantidad di alumnonan den 6de klas di regio menciona, ta jega na un cantidad di 55 % di 290 alumno ta bay bay prome aña ciclo basico MAVO despues di 6de klas, cu ta un cantidad di 160 alumno y 23 % di 290 alumno ta bay bay prome aña ciclo basico HAVO / VWO despues di 6de klas, cu ta un cantidad di 67 alumno.

Pues e cifranan ta demostra cu un MAVO / HAVO / VWO Noord a base di cifranan durante añanan escolar a bira un necesidad.