E discussion riba  e concepto di Ley pa trece cambio den e ‘Vergunningsverordening” ta birando mas cayente segun e dianan ta jegando unda gobierno lo kier trata e concepto di Ley aki den seno di Parlamento di Aruba. 

PPA ta consciente cu esaki ta un topico masha delicado mes y mester worde trata cu e sentido commun cu nos como pueblo y gobierno como gobierno di pais Aruba lo mester tin. 

Ta pa hopi  tempo cu tabatatin preucupacion pa e hecho cu sea mas Hotel ‘All Inclusive’ a worde construi of cu un Hotel existente tradicional a worde bendi y cambia pa e sistema ‘All Inclusive’. Pa hopi tempo e sector di  Taxista, Restaurant y Comercio  a senjala na gobierno/parlamento cu mas ‘all inclusive’ a desaroya nan mes na Aruba menos trabao y cliente nan ta hanjando. 

PPA a duna como nos opinion hopi anja atras  cu lo ta miho pa gobierno regla esaki  pa evita cu esaki bira un problema den futuro pero ningun gobierno Ni geel, Ni berde no a sinti pa esaki.

Te cu algun luna pasa  Ministro di Turismo sr. Otmar Oduber  a duna permiso pa construccion di un Hotel na San Nicolas pa e compania BAHIA cual por a construi te na 1000 kamber  cual den practica ta tres hotel ‘All Inclusive’. Ora e discussion a inicia cu esaki lo ta nifica cu lo no tin un ‘spin-off economico’ satisfactorio pa  comercio di San Nicolas, gobierno a contradeci esaki.

Pesey mes  e maneho di gobierno pa presenta un concepto di Ley pa cambia e ‘vergunningsverordening’ derrepiente a cay no solamente di sorpresa pero a bruha hopi hende di kiko exactamente ta e opinion di gobierno di Aruba.

‘All Inclusive’ a desaroya su mes den Caribe grandemente basa riba e hecho cu diferente destinacion tabata subri bao di un criminalidad di otro mundo. Y e bendemento di  ‘all inclusive’  a sirbi pa trece e turista pa e destinacionan aki pero na mes momento pa protejele tambe…di tal forma limitando su movecion riba e otro parti di e destinacion cu tur sorto di consecuencia.  E ganador den esaki majoria vez ta  e  turista mes  cu ta hanja un package….e  donjo di hotel cu ta aumenta su  ganashi …..y  den cierto pais tambe nan ta referi na e ‘travelagency’. Mester apunta cu e cliente/turista  hopi vez ta desea pa hanja un package….esaki basa riba preucupacion pa seguridad pero tambe pa e motibo cu e hora ey ta sali nan hopi atractivo y e realidad ey ta hunga un rol den e mundo turistico di awendia.

Awor Aruba no ta sufri di un criminalidad  cresciente na nivel di e destinacionan otro aki pero a permiti e desaroyo di ‘All inclusive’ crece cu awor tin un preucupacion pa cu esaki ….Berdad e pregunta ta con pa atende esaki  di tal forma cu NO ta perjudica  e sector hotelero  y na mes momento e sector  di TX, Restaurant y Comercio.  Un tarea dificil !!


Den e mundo di ‘travel’  diferente forza a contribui na crecemento di ‘All Inclusive’  rond mundo.

PPA  ta ripiti nos opinion:

PPA ta di opinion cu e asunto aki mester a worde regla prome cu e permiti e desaroyo aki jega na e  nivel cu e ta.

Awor cu el a jega …..e asunto  mester worde regla den un Ley destina pa e  meta aki  y no un Ley cu lo crea  e asina jama ‘detournement de pouvoir’, cual ta e basa riba cual esnan cu ta kere cu nan ta perjudica lo por hiba gobierno Corte cu nan a usa e Ley robez y gana den Corte y tur consecuencia pa caha di gobierno.

PPA ta di opinion cu basa riba esaki …mester  para e tratamento di Ley aki  y  cuminsa prepara  un LEY  independiente den cual esaki lo por worde trata.

PPA ta di opinion cu durante e proceso aki lo ta bon pa hasi ‘tur estudio’ necesario  riba e efecto di ‘All Inclusive hotels’ aki na Aruba !

Na mes momento PPA kier accentua cu desaroyo di un sector commercial enfrente di nos hotelnan  tambe a contribui cu TX, Restaurant y comercio na otro sitio a sufri consecuencia  dramatico di esaki.

HINCA EJECUCION DI E LEY DEN MAN DI MAS MINISTRO !!

Como cu nos ta sinti cu tin un preucupacion  cu ora postula ejecucion di un Ley asina  bao di e competenecianan  di  Ministro di Turismo cual lo nifica den man di UN solo ministro, PPA a propone kaba y nos ta ripiti…..si  jega den futuro pa ejecuta  un Ley asina(no e concepto actual pero un otro ) ….e competencia aki mester na prome lugar worde trata den seno di Conseho di Ministro y  ejecucion di e Ley aki mester cai bao di competencia di DOS ministro.

Ministro encarga cu nos Economia y Ministro encarga cu Turismo….. ora e proceso aki ta tuma lugar departamentonan di gobierno cu ta cay bao di kada ministro mester por duna nan conseho ‘independiente’ na  nan ministro despues di cual  e asunto aki ta worde trata y decisionan tuma …e ora ey  NO ta trata cu ta un solo ministro a bira  un sorto di ‘dios ‘  dentro di e pilar economico di Aruba esta nos turismo.

Un vez mas na e momento aki PPA ta di opinion cu  mester  para  tratamento di e ley actual……cu e meta pa crea un otro ley cual mester ta cla dentro di un periodo.  Un periodo  dentro di cual e estudionan cu kada kende ta referi na djele lo mester ta cla tambe  ….pa e tratamento aki. Tambe PPA ta kere den un ‘plataforma nacional’ esta un intercambio nacional entre gobierno/ATA y sector di Turismo esta AHATA riba e topico aki.

PPA lo sigui e desaroyo aki di acerca !!

Aruba, 7 di juli 2016                                          Lider Politico di PPA

                                                                             BENNY NISBET

Expresionnan haci den e articulo aki no necesariamente ta refleha opinion di ArenaPoliti.co