Despues di 7 anja ainda e gobierno ‘’berde’’ di Mike Eman NO por a presenta un solucion pa e dump na parkietenbos. Loke si a sali na cla despues di e 7 anjanan aki ta e hecho cu Benny Sevinger ta culpable y responsabel pa e situacion na dump. Awe minister Sevinger kier bisa cu e ta kere den continiudad di gobernacion pero su hechonan ta demostra lo contrario. Si berdad e tawata kere den continuacion di gobernacion anto e ora e no mester boycotea e proyecto di Bouldin & Lawson na dump. Un proyecto cu a costa nos pueblo 27 miyon florin y den e sentencia di huez, huez a bisa cu Benny Sevinger y gobierno deliberadamente a boycotea e proyecto aki. Un mente maligno yena cu odio y venganza so por haci e tipo di cosnan aki. No solamente e proyecto a costa nos pueblo 27 miyon florin sino awor e compania Bouldin & Lawson ta pidi danjo y perhuico tambe y esaki ta costa 2 miyon florin addicional. Benny Sevinger mester wordo teni personalmente responsabel pa e decisionan cu e la tuma premidta boycotea un proyecto cu tawata na biniestar di pueblo. E mester bai paga e 30 miyon florin aki y no e pueblo di Aruba.
Ora nos bisa algo ta pasobra nos por prueba loke nos ta bisa cu facts. Esaki ta loke a keda demostra den corte.

Expresionnan haci den e articulo aki no necesariamente ta refleha opinion di ArenaPoliti.co