Un AVP hopi swak mes!

ORANJESTAD – Fraccion di AVP ta sumamente debilita. Esaki ta e consaequencia di falta di liderasgo den AVP y tur e pleitonan interno. Siman pasa AVP a briya cu si ausencia durante un reunion importante p[a trata e cambionan di Codigo Civil. Un ley cu gobierno di AVP a pidi Parlamento trata, pero pa miedo y falta di curashi AVP no a presenta.
Mas tristo tabata momento cu parlamentario Desiree Croes, cu a entrega un amienda hopi controversial, a nenga di show up pa defende su mesun amienda.

“E siman aki nan a sigi cu nan tradicion di no duna quorum. Awe mainta nan a dicidi cu nan no ta duna quorum, nan kier pa nos di oposicion duna quorum. Pero quorum, segun nos reglamento di orden, ta 11 miembro, y oposicion tin 8 miembro so, y nunca por multiplica bira 11. Ta tristo cu e parlamentarionan di AVP no conose nan reglemento di orden, y ta actua na un forma asina infantile. Un falta di respet y iresponsabilidad enorme di parti di e parlamentarionan di AVP. Realmente un berguensa.

Segun e lider di fraccion di AVP ta MEP mester duna quorum ora MEP pidi un reunion. Pero segun nos Reglamento di Orden ta 11 persona mester tin pa quorum, e ‘regla’ cu sr. Herde ta referi na dje, mi no ta mir;e ningun caminda. Mi a compronde cu e ta referi na un ‘tradicion’, pero nunca den 7 anjanan mi a mira e supuesto ‘tradicion’ aki. Y si ta ‘tradicion’ nobo sr. Herde kier, nos lo dun’e ‘tradicion’, pero e comportacion infantil aki mester caba. Ta un berguensa cu hende grandi mester actua na forma di muchachada asina.

Ta bira tempo pa accion worden tuma, pasobra AVP no por sigi secuestra Parlamento di e forma aki. E supuesto “tradicion” cu nan a bin cun’e ta strobe funcionamento di Parlamento.
E mesun tipo di accionnan aki na Curacao na 2012 a condusi cu Hulanda a mete y a baha e gobierno. Mi ta spera cu e parlamentarionan di AVP ta conciente ki consequencia e acto infantil di nan parti, por tin.

Nos di MEP t’ey pa asumi nos responsabilidad, y pa defende patrimonio di pueblo. Nos ta compronde tambe cu AVP tin miedo awor pa tur e berdadnan bin riba mesa, pero nan mester sa cu e berdad SEMPER ta alcansa e mentira, ni con bon e mentira ta!” lider di MEP Evelyn Wever-Croes a duna di conose.

Expresionnan haci den e articulo aki no necesariamente ta refleha opinion di ArenaPoliti.co