ORANJESTAD - Manera ta conosi Parlamento a yama minister Benny Sievinger pa duna cuenta. Lider di MEP Evelyn Wever-Croes cu prueba den man a denuncia e actonan dudoso y cuestionable di e minister y esnan serca di e minister.

Lider di MEP a presenta prueba di negoshi di tereno na momento cu e minister a duna 42 mil m2 na un compania FANTASMA pa construi hotel na Seroe Colorado. Aki no ta trata di e hotel di Otmar Oduber, sino un otro hotel cu hendenan di Benny Sievinger ta envolvi aden.

E persona cu a hasi e peticion ta un hoben, subrino di donjo dj Canal 90. Ela manda un carta pa minister pa pidi 42 mil m2 sin duna mas documento. No tin mapa, ni business plan, ni garantia di banco, y pa colmo ni e compania cu ela firma den su nomber tabata existi. Pues un compania fantasma. Pero Benny Sievinger a aproba esaki e mesun dia si!

E peticion a wordo entrega dia 15 di september 2014, el'a wordo aproba mesun dia pa w minister sin cu e minister por a wak cu e compania no tabata existi! Pasobra si e minister a simplemente GOOGLE riba website di Camara di Comercio e por a mira cu e compania NO ta existi. Cu e compania ta FANTASMA!

Ta 5 november 2015, kiermeen un luna y mey despues cu minister a duna 42 mil m2 na e compania FANTASMA, e hoben a core bai lanta e compania na notario.

Esaki ta un procedura masha masha stranjo mes. Cosnan masha dudoso a tuma lugar akinan. Abo no ta kere cu ta bon pa investiga esaki?

Pa colmo esaki no ta e unico ehempel cu Lider di MEP a trese padilanti di terenonan cu a bai pa companianan FANTASMA. Ta varios ehempel ela duna.

Pesey MEP a entrega un mocion pa laga investiga e minister y su actonan cuestionabel aki. E reunion ta continua diabierna awor 1.30 pm. E momento ey e minister mester bai duna splicacion dicon ela regala 42 mil m2 na un compania FANTASMA" lider di MEP Evelyn Wever-Croes a duna di conose.

Expresionnan haci den e articulo aki no necesariamente ta refleha opinion di ArenaPoliti.co