Pueblo di Aruba, cu un tristesa inmenso mi a ricibi e informacion di loke ta pasando den medionan social y medionan di comunicacion na Venezuela. Esaki ta un prueba afirmativo ta unda e gobierno di AVP kier hiba nos hendenan. E Gobierno di AVP ta goberna cu puro mentira y ta sinta gaña abo pueblo cu nan ta traha pa abo mientras esakinan ta prueba cu nos Arubianonan lo keda completamente for di refineria y pa trece cheap labor for di exterior. Por tende vocero di DPL ta papia na medionan di comunicacion cu nos Arubianonan por aplica via nan website pa un trabao den nos refineria mientras tin aplicacion na Venezuela caba pa trece trahadornan di Venezuela pa traha den nos refineria. Ta ken AVP y su pandiya ta purba di tuma haci? Pueblo, habri boso wowo pasobra e Gobierno aki mester bay cas y no bolbe nunca mas! Pueblo mester castiga cada un  di e parlamentario y ministernan di AVP y ni si nan lanta nan mes un partido of  bay cu un otro partido no mester acepta e gobierno aki di mas corupto cu Aruba a conoce den su historia. Ta basta cu abuso. Nan tur ta culpabel! 

Expresionnan haci den e articulo aki no necesariamente ta refleha opinion di ArenaPoliti.co