MEP: MEP ta felicita sr Alvin Koolman cu nombracion como Director di Refineria di Aruba
MEP semper a kere den e pilar industrial di nos refineria. Pesey e biahanan cu e refineria a cera su porta, na 1985 y na 2012, nos a haci tur esfuerso pa su re-apertura.
Na aña 1985 ora Lago a cera su portanan, Betico Croes den felis memoria a compromete cu si tin 1% oportunidad pa habri e refineria, nos lo lucha te hasi'e 100%. Esaki a logra tambe na aña 1990 bou liderasgo di sr Nelson Oduber.
Ora e refineria a bolbe sera su porta na 2012, nos di MEP a ripiti e mesun palabranan y nos a compromete pa hasi e 1% bira 100%. Y mientras cu otronan a perde speransa y a cuminsa cu desmantelacion di e refineria, nos di MEP a sigui lucha te convense e ultimo mandatario den Gabinete Mike Eman II cu mester haci tur esfuerso humanamente posibel pa re-apertura.
Y awe e 1% a bira 100%.
Un persona cu nunca a perde speransa tampoco ta sr Alvin Koolman, un yiu di tera experto riba e tereno aki. Pesey awe nos ta di hubilo cu sr Koolman a wordo nombra director di Refineria di Aruba.
Den nomber di e gran famia di MEP un pabien na sr Koolman y hopi exito.
Expresionnan haci den e articulo aki no necesariamente ta refleha opinion di ArenaPoliti.co