Parlamento di Aruba a risibi e cifranan, pa loke ta nos turismo te cu luna di september mester bisa cu esaki nan ta masha alentador mes. Nos por a tuma nota cu a pesar cu e cantidad di turistanan, for di Venezuela a slow down mester bisa cu pa loke ta e otro continentenan nos a conoce crecemente significativo.

Mester bisa tambe cu den e rapport di Banco Central, tambe a hasi remarke cu e caida di bishitantenan di Venezuela no tabata tin mucho impacto ariba nos tourism receipts. Cifranan pa loke ta barco nan crucero ta keda positivo,tur cos ta mustra cu lo bay tin un cresemento te cu augustus di 13%. Si nos mira e crecemento basa ariba e aña te cu luna di augustus mester bisa lo siguiente, tabata tin un crecemento total di 16% den e prome 8 lunanan di 2016, sacanto e disminucion chikito di e luna di augustus di 3% mester bisa cu tabata tin un crecemento total di 13%. Mester bisa cu pronosticonan ta mustra cu e aña aki, ta bay termina cu un cerca di e 10% di bishitantenan crusero na Aruba. E pronostico pa otro aña ta mustra cu lo ta un aña  super cu un crecemento confirma di 15%.

Pa loke ta  “Stay overs” mester bisa, cu e mercado  Venezolano a conoce un caída, si tira bista ariba e ultimo 2 lunanan, esta augustus y september, por bisa cu augustus a conoce un caida di mas o menos 14 mil pasahero y luna di september un caida di algo mas cu 20 mil. Pa loke ta trata e otro destinacionnan, manera Merca mester bisa cu despues di un dip chikito na luna di augustus, por a mira un cresemento di 4.9% na luna di september. Europa a crese cu 7% y Canada cu tambe ta un mercado importante pa nos, tambe a crese. A pone hopi enfasis riba aerolineanan cu ta bin Aruba y e cantidad di stoelnan cu tin disponibel  pa Aruba. Den esaki mi tin cu bisa, cu pa Venezuela, tabata tin un disminucion basta fuerte pa lokr ta trata stoelnan disponibel for di Venezuela. Nos sa cu Insel tur su stoelanan a cay afo, Aruba Airlines tambe y otro aerolineanan Venezolano. Aki ta papia di un caida di 40% na capacidad di stoel pa Aruba. Mester bisa cu e parti positivo ta cu e temporada halto di winter ta na caminda, aki Aruba lo conta cu cresemento de capacidad di stoel for di Merca, cu porcerto ta nos mercado principal di 7% pa un total di 24300 stoel durante di e proximo 5 lunanan aki. Canada ta mustra un cremento di 23% pa un total di 5400 stoel y Europa ta conoce 28% di crecemento cu ta un total di casi 8 mil stoel adicional pa e proximo 5 lunanan. Pues por bisa cu pa e mercadonan principal di Aruba, lo tin un crecemento di mas o menos 37 mil stoel compara cu aña pasa.

Expresionnan haci den e articulo aki no necesariamente ta refleha opinion di ArenaPoliti.co