Andin Bikker: Conferencia di prensa di Partido Democracia Real
Prome cu e reunion den parlamento cu Minister Dowers lider di Democracia Real, Andin Bikker, a elabora tocante e situacion serio di criminalidad na Aruba y un articulo cu a sali den Telegraaf na Hulanda. Akiden a keda publica cu e fronteranan di Aruba ta hopi vulnerabel pa hende sin documentacion.
Tambe a papia di e situacion di hedging na WEB. Segun Andin Bikker e asunto ta hopi mas preocupante cu anteriormente a pensa. Señor Bikker a splica cu si no bin claridad di banda di gobierno, parlamento lo por exigi un encuesta parlamentario. Tambe el a propone un organo independiente pa supervisa companianan di awa y coriente pa mescos cu tin na Hulanda y pronto na e islanan BES.
Finalmente Andin Bikker ta papia tokante e 'gira' di Minister President Mike Eman, e prijs di canasta basico y e falta di control riba health tax.
1. Ola di criminalidad asotando pueblo
2. E situacion di hedging na web ta tumando dimensionan hopi serio
3. Embahador Mike Eman ta den gira na Merca y e no ta yega parlamento
4. PDR ta pidi reunion den parlamento riba canasta basico y e control riba health tax
Expresionnan haci den e articulo aki no necesariamente ta refleha opinion di ArenaPoliti.co