“Kiko awor “eigenlijk” ta bo intencion? Bo ta contra formanan nobo di energia? Bo ta contra energia limpi, y bo ta na fabor di brandstofnan fosil manera azeta, carbon y gas?”, ta e di dos pregunta cu mi ta haya inmediatamente.
No preocupa bo mes: ta mas cu claro cu mi ta na fabor di energia limpi (pero NO na fabor di energia di biento – mulinanan di biento); mi ta haya cu berdad nos mester stop cu carbon y azeta, pero pa motibonan completamente diferente na locual Mike Eman ta trece dilanti; pues lesa henter e serie di e articulonan aki, prome cu – rabiá - bo coy bo pen, y cuminza reacciona emocionalmente.
Mi intencion ta di mustra cu 100% claridad y siguranza, cu no tin nada, pero di berdad ABSOLUTAMENTE NADA di duradero den e maneho scandaloso di Mike Eman, y cu e no tin ningun nocion (“geen flauw benul”) di kiko “duradero” en efecto ta significa y ta enserá; tambe cu Mike no tin ningun interes genuino (berdadero) den nos medio ambiente, y cu de facto e ta trata na combence henter e comunidad Arubano mediante su “kolder”, su nonsense- y su idioteznan, tur cu ta producto di su estado di animo.
Pero, lagami trata na desenmascará e intencionnan berdadero di Mike:
Mike Eman ta busca pa haya fama y atencion internacional como e heroe riba tereno ambiental, pero Sĺ riba gastonan di e pober Arubano, pagador di impuesto.
Ta p’esey nos ta bisa cu su maneho ta fraudulento, mentiroso, un estafa, hipocrita, falso y baho, na unda mester pone un fin pa caba.

Laga nos bay awor pa motibo number 6 pakiko Mike Eman no tin razon cu su histeria riba clima:

6. E UNIVERSO Y E ATMOSFERA TA HOPI MAS COMPLICÁ CU E FABULA (“verhaaltjes”) TOCANTE CO2.
Aki ta bini algun dato “leuk” tocante universo:
Tur locual tin y tur locual ta move den universo, por tin un influencia riba e clima.
Tur proceso y suceso alternativo den universo di nan mes ya ta caotico, y ta p’esey e clima tambe ta caotico y inpredecibel, y no por ser reglá of organisá.
Bo ta interesá den algun cifra? Lesa!:
Nos sistema via lacteo (“ melkweg”) ta un grupo grandi di 100 miljard (100 cu 9 zero!) strea hunto, y despues (patras) di e planetanan enano Pluto y Eris ta cuminza locual ta desconocí pa nos.
Djey bo mester bula 5000 aña, prome cu bo yega atrobe na un strea nobo.
Ata mas cifra:
Planetanan den otro sistemanan solar (“zonnestelsels”) ta yama planetanan extra-solar (“extrasolaire planeten”); sciencia a determiná cu ta existi 100miljard (100.000.000.000!) sistema solar, y di eseynan nos conoce unicamente 97 mediante potretnan sacá door di entre otro “ruimtesondes”. For di e 97 “zonnestelsel”-nan aki a logra documentá, registrá y pone riba mapa unicamente 155 strea, pero sí cu certeza.
E sistema “melkweg” di mas remoto ta situá 85.000 miljard (85.000.000.000.000) kilometer leu!
Streanan grandi por ta hasta 1000 bez mas grandi cu nos solo, y e solo aki mes ya ta 100 biaha mas grandi cu nos planeta tera! Rayitonan di luz di e sistemanan di strea aki ta tarda hasta 12 miljard (12.000.000.000) aña prome cu nan yega cerca nos.
Y pa yega planeta Mars SO ya caba ta tuma un biahe di 6 luna den un nave espacial, pero sí manteniendo un velocidad di 40.000 (40mil!) kilometer pa ora!
Y ta p’esey sin exahera y sin kinipí wowo, nos por bisa cu Mike Eman ta pertenece na e grupo berde grandi di estafador- y fraudulentonan, kendenan kier bin tuma nos haci, bisando cu nos mester djis draai na e konopi di CO2, na momento cu nos ta desea di regla y controla nos clima for di un Ground Control, manera un Major Tom.
Hunto cu un Gore Al y un Virgin Richard Branson, e ta pertenece na e grupo di estafadornan mas grandi, mas peligroso, mas loco, na mundo.
E homber di berdad mester ta un loco peligroso y un idiota completo.

Mirando e universo asina inmensamente grandi y di cua te awor aki nos sa asina poco, e unico conclusion no por ta otro cu 1) ta 100% imposibel cu nos sa TUR COS di e clima, y 2) nos ta 100% sigur cu e keintamento - cu by the way NO t’ey mas – a wordo causá door cu hende a laga CO2 scapa den aire (“uitstoot”).

7. TIN MAS DI 40 PROFESION Y OFISHI HOPI DIFICIL CU TA RELACIONÁ CU E CIENCIA DI CLIMA.
Lagami cuminza cu e lista cu ami mes, den transcurso di añanan, a keda update y mantene al dia, tratando na mantene sí e terminologia internacional/Ingles:
biology, zoology, botany, microbiology, ecology, geology, paleontology, climatology, hydrology, paleo climatology, paleo ecology, physics, chemistry, biochemistry, chemical procestechnology, limnology, oceanography, mineralogy, biologistics, soil sciences, atmospheric sciences, oceanology, aquatic sciences, meteorology, atmospheric chemistry, atmospheric physics, thermodynamics, geomorphologistics, geosciences, geophysical, cosmogenie, cosmologie, astrology, geodesy, anthropology, natural sciences, archeology.
Mi no ta kere cu mi mester sigui!
Bo mes ta weita: casi 40 profesion masha dificil cu tur tin di haci cu e materia enorme di nos clima, inimaginabelmente complicá, …..pero un meneer Eman toch ta kere cu e sí por manipula e clima door di djis ahusta, regula y habri-sera e konopi di e CO2!
E homber mester ta completamente enlokecí !

8. Y MIKE EMAN TA YORA: “PERO TUR CIENTIFICO TA DI ACUERDO CU MI!”
Esaki ta e di tantísimo mentira di nos hombrecito berde di Mars y di e salbadornan di planeta tera, esta cu tur cientifico lo ta di acuerdo cu nan!
Un gran mentira!
E cabeznan (“brain”-nan) mas sabí, e mihor cientificonan, di miseria ta ranca tur nan cabey for di nan cabez, ora nan tende nan coleganan slap y swak, y tambe esunnan cu ta mete den e combersacion djis pa laga sa cu nan tambe t’ey (“e meepraters”), papia e mentiranan!
Na Hulanda tambe! Un dr. ir. Dick Thoenes, cu su titulo di em. prof. chemische procestechnologie na TU Eindhoven, un Prof. dr. Pieter Lukkes, em. prof. geografie, un dr. Bas van Geel, biologo y paleoclimatologo, un Marcel Crok, dr. Scheikunde, un Albert Jacobs y un Gerrit van der Linden, ambos geologo, y asina aki bo por sigui.
Pero te na e momento aki nan no ta uní den un solo “curpa” (“front”), manera sí ta e caso cu e sabínan di clima (“klimaatdoctrinisten”).
Pero sí, NINGUN CUESTION di cu e expertonan di clima ta di acuerdo cu otro.
E buki y e pelicula di Al Goor, “The Inconvenient Truth”, tambe tin dos opositor di berdad impresionante: “Climate Hustle” ta un documentario den cua tur aspecto di e debate tocante e clima ta bini dilanti, mientras “ClimateDepot.com” ta un di e hopi websitenan, y e fuente di informacion mas bishitá riba e problematica di clima.
No, Mike Eman ta alega cu hende ta daña e globo di mundo cu e salida den aire (“uitstoot”) di CO2, y cu esey a ser probá cientificamente; pero di e manera ey tambe e ta gaña atrobe na grandi, mescos cu por cierto semper e ta haci, no importa kiko ta e tema riba cua e ta papia.
E cabeznan, e “brain”-nan, mas sabí di mundo no ta di acuerdo en absoluto cu e maneho robez di algun pais na Europa.

E ta sigui.

PS.: Bo conoce mas ofishi y funcion cu tin di haci cu e clima?
Por fabor, lagami sa esey via mi e-mail This email address is being protected from spambots. You need JavaScript enabled to view it.

Jan de Ruiter,
This email address is being protected from spambots. You need JavaScript enabled to view it.
(reproduci na Papiamento pa Remigio A. R. Wever)

Expresionnan haci den e articulo aki no necesariamente ta refleha opinion di ArenaPoliti.co