PAKIKO  E  HOMBERCITO  BERDE  DI  MARS?? 
“Pakiko mi ta yama Mike Eman e  hombercito berde di Mars”, tabata e pregunta cu mi a haya inmediatamente despues di e publicacion (na Hulandes) di e prome parti di e serie den e columna aki, den cua mi a informa tocante e alarmistanan di clima (“klimaatalarmisten”) y e sembradornan di panico riba clima (“klimaatpaniek-zaaiers”). 

Pakiko?... 

Wel, esey ta bin pasobra Mike GOD(fried) Eman, fuera di ta un evangelista berde, ta tambe un evangelista di scientology, y e hendenan aki ta convencí cu nan a nace algun caminda den universo, den e asina yamá “Galactic Confederacy” (Confederacion Galactica) - lagami yamé (e planeta) Mars - y cu, despues cu nan a ser re-incarná door di nan dios Xenu, esaki a despacha nan pa (planeta) tera. 

Mi mester asumi pues cu Mike Diosito (“Godje”) Eman a nace riba planeta Mars, y p’esey tambe e nomber “groene marsmannetje”, e  hombercito berde di Mars; por cierto, lagami bisa cu e planeta MARS ta aparece hopi biaha den e serie di articulonan aki.

OK! Awor ta tempo pa sigui cu motibo number 3 pakiko Mike Diosito (“Godje”) Eman no tin razon cu su histeria di clima.

3. E  PLANETA  MARS
Bo no ta haya “leuk”, y interesante, pa sa cu tur e materia alrededor di e planeta Mars pa 95 porciento ta consisti di CO2, esta koolstofdioxide?

Y si bo no ta keremi, bo mag puntra Mike Diosito – Godje – Eman, pasobra ela nace aya como un scientologo”thetan” (“thetan”: funcion hopi halto den e culta di “scientology”, algo parecido na un CEO), ela biba aya, y pues e por confirma e asunto di CO2, basta bo puntré.

Ayanan ela wordo promoví pa OT, esta Operating Thetan, nivel VIII, “The Truth Revealed”, promé cu e – despues cu e tambe a re-incarná -  a muda pa planeta Tera. Pues Mike Diosito “Godje” Eman por confirmabo tambe cu – no obstante e contenido di 95 porciento di CO2 – NO ta haci calor at all riba planeta Mars.

Al contrario, e temperatura riba planeta Mars ta minus 60 grado, pues 60 grado bao di 0! RaRa, con esaki ta posibel! ....Mike Eman ta lolia nos cu CO2 ta keinta mundo toch? Con ta posibel anto cu riba planeta Mars tin un temperatura di 60 grado bao di cero!! Mike Diosito “Godje” Eman lo ta gaña toch anto?

Naturalmente…. e keintamento di mundo cu ya a stop 19 aña pasá, NO ta bini door di e CO2 cu hende ta laga bay den aire (“stoot uit”). Esey a keda demostrá door di e temperatura riba planeta Mars di 60 grado bao di 0 y cu un contenido di 95 porciento di  koolstof-dioxide.

Caramba, Mike, ki dia bo ta stop cu bo storianan y bo mentiranan!

4. TA  UNICAMENTE  5  PORCIENTO  SO  NOS  SA  DI  E  UNIVERSO.
E cientificonan ta hopi liher pa admiti cu locual nos sa di universo, ta solamente 5 porciento di locual POR sa di dje; y pasobra cu nos no sa, ta KIKO nos NO sa, y con grandi ta locual nos NO sa, e 5 porciento ey, den e caso mas favorabel, ta un calculacion halto, kier meen probablemente nos sa (mucho) menos cu e 5% ey! Pues, ta masha bon posibel cu e 5 porciento ey ta 1 porciento, pasobra ta bini acerca cu cientificonan ta di opinion cu a wordo probá cu universo continuamente ta “self-expanding”, pues universo continuamente ta keda crece.

Wel, si awor aki nos conocimento di universo ta yega solamente na 1% di e total, con e sembradornan di panico encuanto clima (“klimaatpaniekzaaiers”) cu 100% seguridad por sa, of por “hura”, cu ta absolutamente conocí, y cu ta un berdad sin mas, cu e keintamento di mundo ta ser ocasioná door di hende (“man made”) mediante e produccion y e escape di CO2, realisá door di e hendenan mes.

E conocimento ey simplemente NO t’ey, NO ta existi!

Y si bo sigui pensa bon riba e materia aki, ta simplemente ridiculo pa perde mas tempo cu esaki (“gewoon te bespottelijk voor woorden”), y pa comprende cu e lobby-istanan di energia alternativo (“alternatieve energielobbyisten”) manera un Gore Al, un Virgin Richard Branson, un super-estafador y super-lobbyista Ed Nijpels, y Mike Eman, kier  pretende cu – pa 100% siguridad – nan tin razon den esaki.

Simplemente, esey NO ta asina; nos ta leu di tin e conocimento ey; ta existi un posibilidad hopi chicito, y e speranza t’ey, cu nos lo POR tin e conocimento aki, aki 100 aña of mas.

5. DEN  NOS  HISTORIA  RECIEN  YA  CABA  NA  DOS  OCASION  MUNDO  TABATA  MAS  CAYENTE  CU  AWOR  AKI.
Di berdad mi ta spera cu mi ta ponebo pensa un poco, pasobra hopi hende no sa cu den nos historia recien tabatin 2 periodo den cua e temperatura tabata mas halto cu awor aki; y den ambos periodo NO tabatin produccion y escape den aire di CO2 ainda.
Nos ta referi aki na e tempo di e Imperio Romano (Romeinse Rijk) y na Edad Media (Middeleeuwen). E produccion di CO2 y su salida den aire sinembargo a bira un “issue” te na 1859 y despues cu a descubri azeta.
E calor durante e Imperio Romano y Edad Media sí a percurá pa prosperidad enorme y crecimento economico; temponan frieu den nos historia di otro banda semper a trece cu ne cosechanan fracasá, hamber, pobreza, migracion pa logra haya cuminda otro caminda, y gueranan cu e intencion pa prome caba cu e habitantenan, pa despues conkista tera y cosechanan.

Periodonan cayente semper tabata kiermeen agricultura y ganaderia, cosechanan grandi, cuminda, comercio, prosperidad, cultura y crecimento economico.
Pues, pakiko anto nos ta sinta keha y teima tanto riba nos weer y nos clima!
Laga nos ta contento cu e calor y nos prosperidad.

Y..oh, oh …  by the way, e cientificonan te awor aki ainda NO a splicanos pakiko tabata mas calor den e dos periodonan mencioná mas ariba, compará cu awor, y SIN ningun influencia di e produccion di CO2, pasobra e temponan aya NO tabata existi produccion di CO2 at all!!

Miky, Miky, ainda bo no tabata sa di e cosnan ey???

E ta sigui.
Jan de Ruijter
This email address is being protected from spambots. You need JavaScript enabled to view it.
(reproducí na Papiamento door di Remigio A. R. Wever)

Expresionnan haci den e articulo aki no necesariamente ta refleha opinion di ArenaPoliti.co