Otmar Oduber (POR): ‘Kenny como agente policial ta para pa bida humano y derecho di nos animalnan’
Candidato nobo riba lista di POR.
Cu hopi honor y aprecio Pueblo Orguyoso y Respeta (POR) ta lansa un candidato nobo riba lista di E Forsa Nobo, ta trata di Kenessi “Kenny” Montero. Pa POR e ta un privilegio cu el a evalua y scoge pa uni su mes na e famia despues cu el a wordo acerca pa diferente partido politico aki na Aruba.
Kenny Montero ta un persona cu a combersa cu ne na varios ocasion y ta un persona cu ta labora pa 15 aña caba den Cuerpo Policial aki na Aruba. Kenny no ta conoci unicamente pa su trabounan pa loke ta trata e aspecto di seguridad den nos comunidad, unda cu e ta expone su bida pa e trabou grandi cu Cuerpo Policial tin, cual ta di elogia. Kenny ta sumamente conoci pa varios trabou social cu e ta haci como ser humano.’
Mehoracion seguridad prioridad segun comunidad
E aspecto di seguridad ta un di e necesidadnan cu nos comunidad a menciona como prioridad (esaki por mir’e bek den e ‘Plan di Accion’ di POR) y cu mester atencion sigur den e proximo temporada di gobernacion. Colega Andin a profila su mes na un forma hopi habri y transparente cu un cantidad di plan pa loke ta trata seguridad aki na Aruba. Coleganan Alan Howell y Joselin a pone esaki como prioridad tambe y awor por conta cu Kenny tambe acerca, sr. Oduber a bisa. “Ainda no a caba di cera e team di e refleho di loke e plan di accion tin den e candidatonan di nos partido. Nos no ta un partido cu a busca candidatonan pa yena un lista, nos ta un partido cu a cuminsa practicamente for di 0. Na e momentonan aki a caba di anuncia e di 13 candidato y diabierna awo ta anuncia 3 candidato mas. Cada candidato a wordo scogi a base di e plan di accion cu ta a base di prioridadnan den comunidad, pa mañan por eherce, ehecuta, controla y vigila cu e plan cu ta ofrece aki na comunidad por wordo ehecuta. Y cu tambe e por wordo controla mediante di nos Parlamento y e controlnan necesario cu mester existi pa esaki tuma luga.”
‘Algo cu nos a haya sumamente interesante di Kenny ta cu ta trata un persona cu tin un trayectoria largo den Cuerpo Policial. Kenny tin un amor enorme pa nos animalnan specialmente cacho y pushi. Cual na diferente ocasion ta mir’e den su uniform di polis atendiendo cu e necesidad cu tin pa yuda e bestianan aki. Den su oranan liber (y durante oranan di trabou tambe) e ta haci e trabou boluntario comunitario aki como un bon agente policial pero tambe como un bon ciudadano di nos comunidad. Hopi persona conoce Kenny na San Nicolas unda cu el a nace y ta labora, y e ta biba na San Nicolas hunto cu su esposa. Banda di esaki Kenny ta conoci tambe pa forma parti di programanan pa yuda adictonan ambulante den e bario y rond Aruba.’
Pa Kenny no ta solamente e ser humano y e bida humano ta importante, pero naturalmente e ambiente cu nos ta biba den dje tambe. “Pa nos e ta un privilegio cu el a scoge pa uni su mes cu POR despues cu el a wordo acerca pa diferente partido politico”, sr. Oduber a termina bisando.
Cu hopi honor y aprecio Pueblo Orguyoso y Respeta (POR) ta lansa un candidato nobo riba lista di E Forsa Nobo, ta trata di Kenessi “Kenny” Montero. Pa POR e ta un privilegio cu el a evalua y scoge pa uni su mes na e famia despues cu el a wordo acerca pa diferente partido politico aki na Aruba.
Kenny Montero ta un persona cu a combersa cu ne na varios ocasion y ta un persona cu ta labora pa 15 aña caba den Cuerpo Policial aki na Aruba. Kenny no ta conoci unicamente pa su trabounan pa loke ta trata e aspecto di seguridad den nos comunidad, unda cu e ta expone su bida pa e trabou grandi cu Cuerpo Policial tin, cual ta di elogia. Kenny ta sumamente conoci pa varios trabou social cu e ta haci como ser humano.’
Mehoracion seguridad prioridad segun comunidad
E aspecto di seguridad ta un di e necesidadnan cu nos comunidad a menciona como prioridad (esaki por mir’e bek den e ‘Plan di Accion’ di POR) y cu mester atencion sigur den e proximo temporada di gobernacion. Colega Andin a profila su mes na un forma hopi habri y transparente cu un cantidad di plan pa loke ta trata seguridad aki na Aruba. Coleganan Alan Howell y Joselin a pone esaki como prioridad tambe y awor por conta cu Kenny tambe acerca, sr. Oduber a bisa. “Ainda no a caba di cera e team di e refleho di loke e plan di accion tin den e candidatonan di nos partido. Nos no ta un partido cu a busca candidatonan pa yena un lista, nos ta un partido cu a cuminsa practicamente for di 0. Na e momentonan aki a caba di anuncia e di 13 candidato y diabierna awo ta anuncia 3 candidato mas. Cada candidato a wordo scogi a base di e plan di accion cu ta a base di prioridadnan den comunidad, pa mañan por eherce, ehecuta, controla y vigila cu e plan cu ta ofrece aki na comunidad por wordo ehecuta. Y cu tambe e por wordo controla mediante di nos Parlamento y e controlnan necesario cu mester existi pa esaki tuma luga.”
‘Algo cu nos a haya sumamente interesante di Kenny ta cu ta trata un persona cu tin un trayectoria largo den Cuerpo Policial. Kenny tin un amor enorme pa nos animalnan specialmente cacho y pushi. Cual na diferente ocasion ta mir’e den su uniform di polis atendiendo cu e necesidad cu tin pa yuda e bestianan aki. Den su oranan liber (y durante oranan di trabou tambe) e ta haci e trabou boluntario comunitario aki como un bon agente policial pero tambe como un bon ciudadano di nos comunidad. Hopi persona conoce Kenny na San Nicolas unda cu el a nace y ta labora, y e ta biba na San Nicolas hunto cu su esposa. Banda di esaki Kenny ta conoci tambe pa forma parti di programanan pa yuda adictonan ambulante den e bario y rond Aruba.’
Pa Kenny no ta solamente e ser humano y e bida humano ta importante, pero naturalmente e ambiente cu nos ta biba den dje tambe. “Pa nos e ta un privilegio cu el a scoge pa uni su mes cu POR despues cu el a wordo acerca pa diferente partido politico”, sr. Oduber a termina bisando.
Expresionnan haci den e articulo aki no necesariamente ta refleha opinion di ArenaPoliti.co