Parlamento di Aruba pronto lo bai trata un ley cu ta reglamenta fondo di enseñansa. E ley aki ta encera cu fondonan por wordo destina pa diferente projectonan, obviamente den nos bista e ta algo positivo.

Pero si nos tin preguntanan pasobra nos a observa cu lo tin placa destina pa huur di edificio, servicio di seguridad, consulta, cierto projectonan special, expansion di centro multidisciplinario y programa pa desaroya maestronan di scol. E placa cu lo bai bin den fondo ta di e promer parti di Fondo Europeo pa enseñansa. 

Nos di oposicion claramente ta mira cu bon wowo tur inversion riba tereno di enseñansa. Alabes nos fraccion lo bai hasi gobierno diferente pregunta relaciona cu entre otro e status di projecto di havo/vwo na Noord cu a wordo laga cla pa ehecuta door di minister di enseñansa di MEP. Ademas di esaki nos kier wordo informa si e fondo aki lo bai yuda cu e no ta necesario mas pa aumenta schoolgeld. Con cu bai bin placa no mester bira un obstaculo pa nos muchanan por haya nan enseñansa. Netamente esaki ta cai bou di e vision di MEP pa compromete su mes cu prijs di enseñansa acesibel. 

Expresionnan haci den e articulo aki no necesariamente ta refleha opinion di ArenaPoliti.co