Historia di Aruba ta dicta:

• Cu plan van Poelje a worde braza pa henter Aruba;
• Ora di ejecuta plan van poelje un proposicion a worde manda. Cual a causa un  diferencia  di opinion entre sr. Henny Eman q.e.p.d. y sr. Juan E Yrausquin q.e.p.d. !! Sr. Juan E Yrausquin a conseha sr. Henny Eman pa NO nos ta ripiti NO  aproba e concepto di Ley cu tabata riba mesa…Henny a declara…nos ta accepta y despues nos lo trece cambio…sr Juancho Yrausquin a contesta …Gobierno Hulandes  lo bisa…’bo a  acceptele consecuentemente.. bo NO  por trece cambio” Resultado di esaki tabata cu Aruba a perde e 8-8 y esaki a bira 12 – 8 pa Corsow!! Y AVP a hinca Aruba den e  Federacion Antiyano …pa 32 anja !! Consecuentemente AVP/Eman  a traiciona e 2000  firmante cu a firma e carta cu Shon A Eman a entrega na Hulanda!! Historia ta dicta cu sr. Juan E Yrausquin a hanja razon…y basa ariba e TRIACION aki  el a lanta PPA  PA ‘PUEBLO Y PA LIBERTAD’  !!
  
  
• 1999/2000 HENNY EMAN A TRAICIONA ARUBA !!

Na 1999/2000 Henny Eman a entrega e derecho di Aruba riba ajudo economico Hulandes….a ganja e pueblo di Aruba cu esaki lo pone Aruba  bira financieramente independiente un derecho cu Aruba  tabatatin e momento ey  pa 40 anja kaba !!  Pero realidad ta cu Aruba a perde su ‘ajudo economico’ hulandes !! Traicion number dos di un miembro di famia Eman.

• 2015 OTRO EMAN NA MANDO…E RUMAN MAS CHIKITO !!

E viaha aki sr. Mike Eman , nieto di Shon Henny,  yui di Shon A,  ruman di Henny  y awor e ‘TRAICION DI TUR TRAICION”  ta entrega/traiciona e curazon di nos autonomia/status aparte…ta entrega nos autonomia financiero cu Aruba tin desde 1950…cual a worde expande na 1986.

Dia 27 di augustus 2015 lo biba den enfinidad…den historia di Aruba !! Gabinete Mike Eman y e fraccion di AVP den Staten  den su totalidad  a ENTREGA/TRAICIONA e poder aki bek den man di e pais cu a COLONIZA ARUBA durante 250 anja. !!

A introduci  esclavitud riba nos isla aki…tanto esclavitud di Indian como di esclavo trece for di Africa y nan descendientenan. A abusa di e pueblo aki pa siglonan largo y awor cu nos isla tabata ’liber’  riba tereno financiero pa 65 anja…e hulandesnan a logra   pone AVP riba rodiya …’na man cu pia’  9 ministro y 13 miembro di Staten a bira  TRAIDOR  di pueblo  na un manera  jamas bisto hincando Aruba bek den un colonia modern di siglo 21 !!   E totalidad di Staten a comete  cierto erornan cu lo bai den historia, mirando cu nan tabatin cierto derecho com Staten(articulo 111.22)  cu NUNCA nan NO a usa pa defende interesnan  di Aruba manera a sosode de epoca di sr. Gilberto Francois ‘Betico’ Croes q.e.p.d.!!

Aruba dentro di algun dia lo ta worde dirigi door di CAFT for di Corsow!!  Manera cu 250 anja lo NO tabata basta !!

HULANDA …NO A COMPRENDE !!
E pais colonizador Hulanda cu a pressiona AVP completo pa traiciona nos pueblo a demonstra cu NUNCA nan no a comprende e lucha di Aruba pa ta ‘baas den nos mes cas’ …nunca como pais colonizador…nan NO a comprende  cu e arubiano NO por accepta di ta worde goberna  for di un otro isla !! Aruba kier ta ‘baas den su mes cas’ y cambionan otro lo mester tabata posibel despues di e  fracaso complete  di gobernacion grandemente di AVP !!

Poniendo Aruba bao di un C.A.F.T. situa na Corsow…..e Colonizador Hulanda a bolbe trapa riba e derechonan di e pais y pueblo di Aruba. E pais Colonizador cu a paga billiones pa Grecia  PERO cu NO a conoce e grandeza  pa como pais colonizador a scoge pa a paga un suma ‘chikito’ di 3 billion florin arubiano esta 1.5 billion Euro pa juda e pueblo den e crisis aki….pero Hulanda a scoge pa abusa di nos pueblo…pa trapa riba e pueblo su dignidad….poniendo 22 arubiano ‘na man cu pia’  9 ministro y 13 miembro di Staten !!

PPA ta di opinion cu e ultimo palabra NO a worde bisa riba e desaroyo aki ….PPA ta para riba cu miho Den Haag realisa nan  ‘eror historico’ y NO ejecuta e concepto di Ley aki !!   


Aruba 29 di augustus 2015                                Lider Politico di PPA

                                                                                  BENNY NISBET

Expresionnan haci den e articulo aki no necesariamente ta refleha opinion di ArenaPoliti.co