Diabierna durante reunion publico Parlamento a trata un mocion pa duna sosten na pais St. Maarten, cual pais a haya un aanwijzing  pa loke ta trata nombracion di su gobierno. Esaki ta un asunto autonomo cu cada pais mes tin cu regla. Aki Hulanda ta mina e derecho di autodeterminacion di pais St. Maarten y consecuentemente su autonomia. Un situacion semehante a sosode recientemente na Aruba. Independiente di ki ta e discucion nos pueblo den su lucha pa Status Aparte a logra cu ariba tereno interno e por tuma propio decision. Sinembargo ta parse cu a bira custumber cu esaki ta sosode. Parlamento di Aruba den reunion tocante asuntonan di Reino a palabra cu un funcionario di Parlamento cu no ta un politico lo concipia un mocion pa e comision y lo presenta esaki den reunion pa ser aproba. En bista cu e situacion di St. Maarten ta urgente a dicidi di trata e mocion aki den reunion promer cu fin di siman. Aki sorprendentemente ta resulta cu esnan cu tabata presente na e reunion di e comision, esta Ady y Xiomara cu ta regarda asuntonan di Reino no tabatin suficiente di bisa den fraccion di MEP y lider di MEP cu ta un flip flop of mihor bisa nunca ora ta trata asuntonan importante no tin opinion of ni ta carni ni ta pisca, a dicidi pa no ni presenta na e reunion. E acto di cobardia aki no ta cuadra cu ideologia di e Mep cu Wyatt-Ras a conoce ora ta trata asunto di Reino den defense di Status Aparte. Mervin Wyatt-Ras hasta no ta reconoce partido Mep mas, paso nan a cambia asina hopi, lagando e lucha sagrado di nos Libertador en felis memoria un banda.

Aki por papia di oportunismo politico di e lider Evelyn y su fraccion cu ta bai na su amen cu ora nos ta luchando aki na Aruba cu un conflicto constitucional unda cu Hulanda no tabatin e derecho di intermedia di e forma cu ela haci den nos presupuesto y pues asuntonan interno, Evelyn a bai Hulanda saka potret cu tur esnan cu tabata papia asina negativo di nos pais. Paso Evelyn pavia su oportunismo politico ta bai hiba informacion negativo pa politiconan hulandes keriendo cu e ta yuda su mes sinembargo e ta perhudicando AVP sino pueblo di Aruba. Su falta di conocemento politico y su gana di bin na poder politico ta ciege pa e tuma tal stap y ta lubida su ideologia y principionan di es cu a funda su partido.

Mervin Wyatt-Ras a tuma nota di acusacionnan baho den Solo, atrobe skirbi dor di “spirito” paso esnan di MEP no tin cohon pa bin padilanti y critica Mervin den su cara paso nan sa cu nan no por. Atrobe ta hinca Wyatt-Ras su querida mama den e asunto, kende tabata un muher cu a stima nos Libertador y cu ora e tabata na bida a para fuerte tras di Mervin Wyatt-Ras ora cu MEP na un forma “achterbaks” a saka e parlamentario y su colega Lopez-Tromp for di partido. Y awe e por ta orgulloso di e stap cu Wyatt-Ras a tuma pa no cobardia of core skonde pero para lucha y sigui den politica. Es cu conoce mama di e parlamentario sa cu e tabata un hende muher cu curashi cu nunca no ta core laga un problema.

Mervin Wyatt-Ras ta nota cu ta parse cu ex-lider a perde su remote control e biaha aki, kizas dor di tur e problemanan den e partido aki cu e lider cu no ta funciona of no ta duna cara ora cu ta trata asuntona serio. Pesey mes Wyatt-Ras y mas persona cu ela combersa cune den fin di siman ta di opinion cu lider di MEP y miembronan di e fraccion mester bai un curso urgente pa nan bai conoce ken tabata lider di MEP, ki tabata su ideologia, kico Status Aparte ta ensera y con pa sigui salvaguardia tur locual a logra cu Status Aparte, enespecial Xiomara cu mester stop di grita manera alma malo mientras tempo cu Betico tabata lider e y su famia tabata hasta contra Betico 

Expresionnan haci den e articulo aki no necesariamente ta refleha opinion di ArenaPoliti.co