“Den cuadro di tratamento di e ley di Aru-big fraccion di MEP ta teniendo varios reunion cu esnan concerni, y cu conseheronan. E ley aki ta stipula exigencianan pa esnan cu kier practica medicina na Aruba, tin cu cumpli cun’e. E problema mas serio cu nos ta mira ta trata esnan cu a studia medicina den regio, y cu gobierno di Aruba no ta permiti nan traha. Te dia di awe no tin un solucion pa e problema aki, y nos ta mira cu mientras Aruba ta sclama pa mas dokter, nos propio yiunan di tera cu a gradua na Colombia of Costa Rica, tin cu hasi otro trabou, pasobra nan no ta wordo permiti pa traha. Un situacion sumamente absurdo, principalmente pasobra ora nos bira malo, ta na e dokternan na Colombia mes AZV ta mandabo. Pues no tin ningun logica den esaki. Nos ta mira cu e ley cu minister Schwengle ta propone ta duna un paso den e bon direccion, pero e no ta soluciona e problema. E ley mes ta masha vaag, pasobra varios criteria y condicion mester wordo regla ainda den landsbesluit, pues e ley no ta duna un solucion pa e problema. Nos no ta comprende dicon gobierno kier pasa un ley y laga asina tanto cos pa regla den landsbesluit. Nos ta spera cu bin un solucion pronto pa e problema di e dokternan aki, pasobra Aruba mester di nan”, Evelyn Wever-Croes a duna di conoce.

Expresionnan haci den e articulo aki no necesariamente ta refleha opinion di ArenaPoliti.co