Prome Minister Eman realmente a pone Aruba riba mapa internacional 

Secretario General di Nacionnan Uni dr. Ban-Ki-Moon, a manda un carta cu un mensahe fuerte y na mes momento saludando participantenan di Green Conference cu a tuma luagr siman pasa na Aruba. E ta gradici nan tambe pa nan empeño grandi den combati cambio di clima, desaroyonan riba tereno di sostenibilidad y e deligencia pa yega na un prosperidad cu menos uzo di petroleo fosil. Den su carta Ban-Ki-Moon ta pone enfasis riba e hecho cu e region Caribense ta un di e mas vulnerabelnan na mundo pa loke ta e impacto di cambio di clima.  Ta pesey mes cu ataca cambio di clima ta esencial den logra desaroyo sostenibel, promove crecemento economico, salvaguardia stabilidad politico y sigura cu tin cuminda y awa. Agenda 2030 pa Desaroyo Sostenibel cu a wordo adopta luna pasa ta spera di por yega na un acuerdo di clima na Paris na luna di December e aña aki ainda. Esaki ta contene toolsnan importante pa acelera transicion pa un clima flexibel pa futuro. Mas aleu den su carta Ban-Ki-Moon ta menciona cu islanan chikito manera Aruba ta bendiciona cu fuentenan natural pa uzo di energia renobabel, pero nan tin cu confronta retonan cu ta dificulta e transicion. Asina mes, hopi isla chikito, incluso Aruba, a lanta riba pa enfrenta e retonan y e ta elogia e esfuerzonan haci, cu ta lesnan importante pa resto di mundo. “Ami lo sigui pone dilanti asuntonan di SIDS (Small Island Developing States) den e arena internacional, incluyendo mi compromisonan cu otro lidernan tanto di sector gubernamental como priva. Nacionnan Uni ta sigui ta boso partner den maximalisa e potencial di energia renobabel y den construi sociedadnan cu ta mas sigur, mas saludabel y mas prospero, husto y sostenibel.

Deseando tur hende un conferencia exitoso, dr. Ban-Ki-Moon a finalisa su carta.

Expresionnan haci den e articulo aki no necesariamente ta refleha opinion di ArenaPoliti.co