MEP: Baba Herde ta sufri di malesa di MITOMANIA
MITOMANIA = Mentiroso patologico, ata prueba!
Sr. Baba Herde no conose limite na su barbaridadnan. Su ultimo invento ta un articulo cu el'a skibi riba 7 di december ultimo cu como titulo "MEP ta vota na fabor di cambionan den e ley cu AVP ta presenta, pero contra di e ley mes". Cu Baba Herde tabata drumi durante henter e reunion, tabata obvio. Ora el'a realisa cu e lista di orador a sera sin cu el'a corda di skibi su nomber, rl'a rabia y sapatia, skop stoel y zundra tur hende. Pero cu despues e ta bai skibi un articulo completamente basa riba mentira, ningun hende por a pensa.
Ata prueba akinan riba e asina yama STEMMING riba e ammendement 1 (di AVP), riba cual bo por mira claramente cu pa MEP tabata tin 4 parlamentario presente cu a vota CONTRA.
Nos a dicidi di publica e documento aki pa asina un y tur por mira pa su mes, y contstata pa su mes cu e malesa di Baba Herde di MITOMANIA ta birando algo hopi serio.
Tristo ta cu ora hendenan no tin argumento mas, nan ta recuri na mentira!
Expresionnan haci den e articulo aki no necesariamente ta refleha opinion di ArenaPoliti.co