No kabe duda cu e noticia cu ministro di Finanzas mr. Angel Bermudez lo ta e candidato di gobierno pa e posicion di Gobernador di Aruba a pone y esaki suavemente bisa …hopi hende  ‘frons nan wenkbrauwen’ y esaki suavemente bisa.

PPA tabata e prome partido politico cu for di un distancia a analisa y saca como conclusion cu ora x min Juan David Yrausquin a saca su conclusion y retira como min di Finanzas  AVP su liderato a worde pressiona (pa Hulanda !) pa trece mr. Angel Bermudez Aruba como ministro di Finanzas. Y como tal repetida vez nos a declara cu ministro Bermudez ta sirbiendo interes ajeno Hulandes na prome lugar prome cu e sirbi interes di pais Aruba !! Esaki a trece cunele e  politica cu ministro Bermudez ta hiba cu ta ensera varios vez jega  serca di conflicto cu Min Pres Eman pero tambe cierto momento ora ministro Bermudez ta hasi como sifuera e ta para contra cierto deseo hulandes. Esun cu conoce politica arubano di paden ta realisa cu esaki ta simpelmente un ‘wega politico’ pa tene e masa di pueblo bao di impression otro !! Realidad ta cu min. A Bermudez a worde treci pa funciona como Min di Finanzas y pa solucciona e   chaos financiero crea pa min de Meza alias THE MESS.

Pero bao di tur e  ‘show politico’ aki e proceso di prepara presupuesto di pais Aruba a continua……!! Laat den TUR caso….pero el a continua !!  Cu e bahamento di cabez di gobierno di Aruba y parlamento di Aruba pa pression hulandes y e entrego di nos ‘autonomia/status aparte’  henter e proceso No a bira menos. Realidad ta si …cu ta e pueblo cu ta worde sacrifica ….mientras abuso interno  y politica barata ta sigui su curso….!!  

Awor con por ta posibel cu mientras partido AVP  NO por a presenta un candidato ‘interno’ pa occupa e posicion di ministro di Finanzas ….pa sigui  cu e maneho pa claria e ‘MESS’  cu  Min de Meza/The Mess a larga atras despues cu x ministro Juan David Irausquin a saca conclusion,,,cu awor ‘tranquilmente’ Gab Mike Eman lo a propone nombramento di mr. Angel Bermudez  como e proximo Gobernador di pais Aruba ???  

Esaki ta crea e impression cu AVP  NO ta enbusca di e ‘miho’ candidato cu nan por hanja pa e posicion aki pero AVP simpelmente kier  elimina  mr. Angel Bermudez  for di e posicion di Ministro di Finanzas !! Proponiendo mr. Angel Bermudez pa e posicion di Gobernador  ‘eigenlijk’  internamente Gabinete Mike Eman ta bisando Gobierno di Reino……”Wij promoveren Uw kandidaat naar de positie van Gouverneur…maar Wij (AVP) gaan nu de volgende kandidaat voor minister van Financien benoemen”….un ‘zet’ magistral……pero a costo di kiko ?

PPA lo no bai den e ‘capacidad intelectual’ di  sr.  Angel Bermudez……..pero si PPA ta di opinion cu un kandidato pa gobernador mester por acapara mucho mas  cu solamente e  ‘capacidad intelectual’. E mester por tin un ‘imagen’ cu e por sirbi e pueblo arubano den un forma ‘neutral’ …y justamente aki ta unda PPA ta duda cu sr. A.  Bermudez, mirando su  boltermento como ministro di finanzas pa sirbi tanto Hulanda como gabinete Mike Eman …..a bin larga duda !!  Y esaki ta suavemente bisa !!

PPA ta kere cu den e sociedad di Aruba tin varios ciudadano  capaz, neutral y cu no ta mara na ningun sirbimento ni boltermento politico den ningun sentido di palabra. Kere nos AVP ta sacrificando un posicion importante pa nan por ‘elimina/get rid of’ di sr.  Angel Bermudez como  ministro di finanzas  di pais  Aruba pa nan nombra un ministro (politico) como ministro di Finanzas pa nan confronta e eleccionan na 2017 cu un ministro cu ta bailia segun e Emannan ta toca !!

PPA ta rechasa e forma di hiba politica aki !!  E posicion di Gobernador di Aruba tin mucho valor pa un nombramento tuma lugar …basa riba e intencion di ‘ WEG PROMOVEREN’ ….!!   Foei AVP cu tur nos diferencia di opinion …… PPA ta kere cu boso lo por hopi mas miho !!  PPA ta di opinion cu den nos sociedad tin mucho mas homber y muher cu lo por jena e ‘vacatura’ dentro di poco di  Gobernador di nos pais.

Larga nos ta hopi cla…..!!! Naturalmente esun cu worde nombra como Gobernador pa Gobierno di Reino lo ricibi e ‘respet’ di partido PPA…….(incluso mr. A Bermudez)  pero PPA ta lamenta cu ta jega na ‘kandidato’ pa e posicion di Gobernador a base di ‘wegpromoveren politicamente’  pa esey den nos sistema estatal  nombramento politico mester ta basa riba analisis  profundo y no basa riba analisis  politico limita !! E powerplay entre  Gobierno di Aruba y Gobierno di Reino mester tin su limite y  cu nombramento di un Gobernador nobo PPA ta sinti cu a surpasa e limite aki  seriamente !!

Fuera di esaki PPA ta di opinion cu despues di tres ciudadano hende homber cu a occupa e posicion di gobernador elocuentemente …..awor aki lo mester ta e momento pa un dama  a ricibi e oportunidad awor ……pero ‘wega politico’ y ‘wegpromoveren’ ta sacrificando e oportunidad di un dama cu tin tur e capacidad necesario pa ta Gobernador…..Un vez mas e ‘wegpromoveren’ di AVP ta sacrificando e momento di un dama elocuente pa Gobernador di pais Aruba  !!!

PPA  entodo caso ta contento cu Gobierno di Reino aparentemente tampoco no ta contento cu cierto expressionan hasi pa sr. A Bermudez relaciona cu e procedura hiba te awor aki. Manera a worde bisa ainda e no ta ‘aan de orde’.

PPA a sinti e necesidad pa expresa nos pensamento y sintimento….pasobra  pesey nos ta un organisacion politico serio  y ta dedica na nos trabao di sirbi interes general di nos pais y nunca interes ajeno !!


Aruba,   13 maart 2016                                                                  Lider Politico di PPA

                                                                                                       BENNY NISBET

Expresionnan haci den e articulo aki no necesariamente ta refleha opinion di ArenaPoliti.co