Awe falta 10 dia exacto pa por logra e acuerdonan final pa logra e reapertura di e Refineria di Aruba cu PDVSA CITGO. MEP KIER MANDA UN ADVERTENCIA PA GOBIERNO DI AVP: STOP DI HUNGA WEGA Y SIGI ALARGA E NEGOCIACIONAN INNECESARIAMENTE MIENTRAS CU NOS POR TIN UN ACUERDO DEFINITIVO CABA CU CITGO PA ASINA SIGURA E REAPERTURA DI E REFINERIA.

Nos ta bisa esaki principalmente pasobra nos a ricibi informacion cu tin forzanan ainda den Gobierno di AVP y den e Comision negociador cu NO kier pa e REFINERIA HABRI bek.

Tambe nos a tuma nota di e declaracion di un di Ministernan di e Gobierno aki cu a laga sa cu si pa 1 di Mei no tin acuerdo cu CITGO cu Gabinete Mike Eman lo desmantela e REFINERIA.

Nos kier ta categorico cu Gobierno di AVP: TRIBI DI DESMANTELA E REFINERIA Y LO BOSO HAYA UN PROBLEMA HOPI MAS GRANDI CU E DIA CU E GOBIERNO DI AVP Y PARLAMENTO DI AVP A PASA E LEY DI TRAICION DI CAFT. 

Awor cu finalmente MEP CU TA PRO REFINERIA a logra salba nos REFINERIA pa crea trabao bon pagá pa Juinan di Tera y henter Nos Pueblo Trahador y negoshi pa Contratistanan y Comercio, AWOR AVP KIER PONE NA RIESGO E REAPERTURA DI E REFINERIA? Esaki pa MEP TA INACEPTABLE Y TA DUNA AVP E ADVERTENCIA PA NAN CERA E ACUERDONAN AWOR PA LOGRA E REAPERTURA DI E REFINERIA Y STOP DI HUNGA WEGA CU FUTURO DI NOS PAIS. Si Gobierno di AVP sigi rek e negociacionnan indebidamente nan ta pone henter e meta di e Reapertura di e Refineria na peliger. E REFINERIA lo pone ARUBA BEK RIBA PIA . pesey MEP NA AVP: CERA UN ACUERDO AWOR PROME CU TA LAAT.

Expresionnan haci den e articulo aki no necesariamente ta refleha opinion di ArenaPoliti.co