STA CRUZ - Minister Otmar Oduber e siman aki a ataca Dangui Oduber na forma masha mahos mes. Dangui Oduber a menciona den conferenia di prensa cu e minister a compromete Aruba na 1250 camber EXTRA siendo cu awor caba e hotelnan no por yena nan cambernan.
E minister a reacciona hopi onsportief, a hasta bisa cu Dangui no tin moral y a bisa cu e no sa di nada.
Pesey ta importante pa mustra e minister riba e realidad cu e mal maneho y e falta di vision di su gobierno tin Aruba aden. Riba e grafico por mira cuanto compromiso Otmar Oduber y su gobierno a hasi, 7 hotel nobo cu 1849 camber EXTRA!
Turismo ta cayendo debi na e mal maneho di Otmar Oduber, hotelnan tin problema pa yena nan cambernan y asina mes ta bin mas camber.
E partido AVP a bai dos eleccion consecutivo primintiendo MORATORIUM riba hotel. "No more hotel rooms", anto awor a priminti 1849 camber EXTRA!
Anto pa colmo, en bes cu Otmar admiti, ela reacciona y bisa cu e no sa di nada, y hasta a bisa cu Dangui ta ganja. Otmar Oduber no ta minister encarga cu turismo? Anto e no sa di nada? Imposible! Pregunta na Otmar Oduber: wak e grafico aki y contesta: Ken ta ganja awo? Sea Otmar Oduber tin un problema cu su memoria of e tin problema cu papia berdad. 

Expresionnan haci den e articulo aki no necesariamente ta refleha opinion di ArenaPoliti.co