Benny Nisbet (PPA): "Mester fiha atencion ....Pa cual meta e tereno cu a bin habri na Oranjestad su haf lo worde destina!”
![Nisbet01](/images/2016-press/Nisbet01.jpg)
Mientras cu ultimo simannan varios otro ‘issue’ manera e tan gana den Staten, e asunto di All Inclusive Hotels y e posibel re-apertura di e refineria ta hala atencion di pueblo cierto asunto merece di mantene atencion di pueblo. PPA ta referi aki na e espacio/tereno cu a bin liber awor cu ‘containerhaven’ a muda for di Oranjestad pa Barcadera locual tabata un vision di PPA rechasa door di AVP den pasado pero awe reconoce y ejecuta !
Manera PPA a splica for di 94 padilanti mudamento di e Containerhaven pa Barcadera lo trece varios beneficio den y rond di haf di Oranjestad. Na prome lugar e haf di Oranjestad lo keda grandemente pa nos ‘cruise-tourism’ !! Na di dos lugar un espacio basta amplio ta bin liber. Den PPA su vision un parti lo mester worde dedica na mejora e infrastructura necesario pa nos ‘cruise - tourism’ y na di dos mester analisa bon …..cual desaroyo lo por contribui economicamente na e desaroyo economico di pais Aruba/
Aki PPA tin un vision cu nos ta jama ‘reaching for the sky’ !! y ta ensera construccion di un Aruba World Trade Center. Un World Trade Center ta un organisacion cu ta dedica su mes di ofrece comercio Internacional informacion y fascilidad pa nan por reuni y ofrece mundo henter nan ‘servicio y productonan’. PPA ta di opinion cu Aruba cu su pueblo ta domina 3 pa 5 idioma lo por contribui den un fascilidad asina enormemente. Un World Trade Center ta ofrece espacio/fascilidad pa Conventions, oficinanan commercial, showrooms etc…. E vision di PPA ta ensera diferente servicio adicional manera notario, conseho juridico, traduccion di documento y mucho mas. PPA ta mira un fascilidad asina su exito ta depende di e formula bao di cual algo asina ta worde construe. PPA ta kere den un ‘link’ cu dos business hotels y tambe un of dos Universidad di cual e facultadnan cu ta worde accentua ta ensera un facultad pa Idioma y un facultad pa I.T. !!
PPA a pidi pueblo y nos ta keda ripiti…demanda un argumentacion completo di gobierno pakiko e tereno cu a bin habri ta worde usa. PPA ta di opinion cu un Aruba World Trade Center cu un formulacion dinamico y efficiente lo por desaroya su mes den un di dos of di tres pilar economico pa pais Aruba.
Nos ta den e luna cu consehonan lo worde manda pa gobierno pa APA NV y otro consejeronan pa gobierno tuma su decision al respecto. PPA ta recorda nos pueblo pa keda wowo habri….NO permiti pa e sitio aki pa worde usa pa ‘friends & family’ cual su impacto economico lo ta poco …..pero demanda pa e espacio aki worde usa pa un desaroyo nobo, dynamico cu ta habri cuponan di trabao di nivel y diversifica.
PPA ta keda bisa…..nos Aruba ‘ we must reach for the sky ‘ !!
Aruba, 19 di juni 2016 Lider Politico di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co