…..cu NO ta un refineria pero ta produci necesidad pa juda un refineria ! 

Den e mundo technologico y sigur e mundo di refinacion di crudo tin varios palabra cu nos pueblo mester tuma bon nota di djele pa nos comprende  locual e gobierno aki a firma cu CITGO ARUBA y no CITGO PETROLEUM CORPORATION (Houston Texas, USA). Nos por papia di un  fascilidad, di un planta, di un refineria pero tambe di un ‘upgrader’. 

Gab Mike Eman ora nan papia riba e topico ta usa majoria vez cu nan a logra un acuerdo pa habri e ‘refineria’ di Aruba bek !!  Sinembargo  Citgo Petroleum Corporation  den nan declaracion fecha 11 di juni 2016  e declaracion den cual nan ta splica cu NO ta nan a firma un acuerdo cu Aruba ..pero CITGO ARUBA tin mas informacion interesante. PPA ta cita: “ This project will transform the refinery into an ‘upgrader’ for the Venezuelan extra heavy crude within 18 MONTHS  to two years”.

E pregunta cu PPA ta hasi pa juda splica e pueblo locual gab. Mike Eman/Mike de Meza alias THE MESS NO ta splica nos pueblo ta lo sigiente.

KIKO TA UN REFINERIA …..?

Lesa e.o. for di  Wikipedia y PPA ta cita textualmente na ingles:

“ A refinery is a production facility composed of a group of chemical engineering unit processes and unit operations refining certain materials or converting raw materials into products of value”.

Petroleum Oil refinery which converts crude oil into  high-octane motor  spirit (gasoline/petro, diesel oil, liquefied petroleum gasses (LPG), Jet aircraft fuel, kerosene, heating  fuel oils,  hexane, lubricating oils, asphalt and petroleum coke.

Traduccion liber…..:”Un refineria ta un fascilidad di produccion cu ta consisti di un grupo di unidad/ proceso di engineria/chemico y unidad di operacion, refinando cierto material y convertiendo material bruto den productonan di valor. PPA ta larga e frase cu ta menciona  e ejempelnan pa locual e ta na ingles…!!

KIKO TA UN UPGRADER ….?

An ‘upgrader’ is a facility that upgrades bitumen (extra heavy oil) into systhetic crude oil. Upgrader plants are typically located close to oil sand production, for example the Athabasca oil sands in Alberta, Canada or the Orinoco  tar sands in Venezuela.

Un ‘upgrader’ ta un fascilidad cu ta upgrade ‘bitumen’(crudo extra pisa) den crudo syntetico. Plantanan di upgrader tipicamente ta cerca di e production di crudo santo, por ejempel  na e Athabasca crude santo na Alberta, Canada or e ‘tar santo na Orinoco’ na Venezuela. Anotacion di PPA cu otro palabra e upgrader na Aruba lo worde poni acerca na e dos sitio den mundo cu tin ‘upgraders’ aki !!

Pa duna un ejempel y con nan ta referi na ambos PPA ta sigui cita for di Wikipedia lo sigiente:

“The Scotford upgrader is a part of a larger site know as Shell Scotford located 40 km Northeast of Edmunton, Alberta.  Shell Scotford comprised three operating units:  * The Upgrader  * a refinery  * and a Chemical Plant. Much of the output of the Scotford upgrader is sold to the Scotford Refinery”.

E upgrader na Scotford ta parti di un sitio mas amplio conoci como Shell Scotford situa 40 km Northeast di Edmunton, Alberta. Shell Scotford ta consisti di tres unidad di operacion: *Un Upgrader * Un refineria * y un planta Chemico.  (Anotacion di PPA ……Ojo nan ta separa kada fascilidad for di otro !!  Un upgrader NO ta un refineria !!)   

Cu otro palabra  e acuerdo negocia pa Ministro Mike de Meza alias THE MESS  en  realidad ta cu Aruba su epoca di 100 anja como refineria ta jega su FINAL  ora cu e acuerdo ta pone cu e locual tabata un refineria ta worde cambia den un  ‘upgrader’ cu ta sirbi necesidad di un refineria. Aruba su epoca cu un refineria ta jega su final bao di e acuerdo aki !!  E planta cu te awor tabata un refineria  …despues di e periodo di asina jama ‘upgrading’ lo worde baha for di un refineria pa un upgrader.  Naturalmente durante e proceso e lo genera hopi trabao.  Tempo lo mustra si cu ora e parti di ‘upgrading’ termina cu e lo por ofrece mes hopi trabao cu e refineria Valero a ofrece …??

Aruba tumando e refineria over di Valero …..lo NO ta donjo di un refineria pero di un ‘upgrader’ ora nan termina cu e transformacion aki !!

PPA ta di opinion cu pueblo tin derecho di  sa e totalidad di e ‘Mess’ cu THE MESS a bolbe negocia y no kier splica pa pueblo sa e berdad completo pesey ta duna ‘presentacion’  sin cu ningun hende presente tin e documentacion pa realmente husga e realidad.

PPA lo sigui hasi nos ‘huiswerk’ pa juda pueblo di Aruba y pueblo di San Nicolas comprende den kiko Aruba a hinca su curpa. THE MESS literalmente a crea un otro MESS !!

Aruba, 20  di juni 2016                                             Lider Politico di PPA

                                                                                    BENNY NISBET

Expresionnan haci den e articulo aki no necesariamente ta refleha opinion di ArenaPoliti.co