Parlamentario mr. Juan Ady Thijsen (MEP): Awa cu luz ta un necesidad elemental segun UN mientras na Aruba Gobierno ta corta sin piedad y coriente ta cai afo cada rato
![Ady09](/images/2016-press/Ady09.jpg)
Parlamentario mr. Juan Ady Thijsen a tuma cu Nacionan Uni a caba di haci un yamada di urgencia pa un pausa den combatenan na Aleppo Siria. Esaki pa permiti reparacion di rednan di suministro di coriente y awa y alavez duna asistencia humanitaria, según un comunicado di Nacionan Uni. Nacionanan Uni ta considera awa y coriente un derecho basico di cuidadanonan mundialmente. Esaki segun Parlamentario mr. Juan Ady Thijsen ta den gran contraste cu actuacionan di gobierno di AVP na unda awa y coriente ta ser kita cruelmente tur luna di cuidadanonan y actualmente coriente ta cai afor regularmente cerca un parti grandi di pueblo.
Na San Nicolas a ser descubri cu ciudadanonan tabata horta awa y coriente y mesora un team special di gobierno a baha pisa riba e cas. Segun Parlamentario mr. Juan Ady Thijsen tur ladronicia mester ser desaproba y castiga pero Parlamentario mr. Juan Ady Thijsen ta kere cu lo ta bon pa haci un analysis social di e caso. E probabilidad ta grandi cu ta trata di un di e tantisimo casonan na Aruba unda famianan ta cai den un crisis social pa motibo di e situacion social economico malo cu nos pais ta pasa aden. Famianan ta perde trabao of no tin entrada. E gobierno aki a causa pobreza tur di falta di crea empleo pa e cuidadanonan y alavez a percura pa medio di un hedging cu prijs di awa y coriente a bira impagabel pa e pueblo. Parlamentario mr. Juan Ady Thijsen ta kere tarea di un gobierno ta pa percura pa derechonan fundamental di su cuidadanonan worde cumpli y den esaki e derecho pa awa y coriente manera Nacionan Uni ta stipula ta un di e derechonan. Mester bai na e stuacionan na unda ciudadanonan tin suficiente entrada dor di percura pa empleo y di otro banda percura pa awa y luz ta pagable. Esaki ta dos tarea grandi pa e siguiente gobierno di MEP ya cu e gobierno actual no ta capaz pa goberna. Segun Parlamentario mr. Juan Ady Thijsen partido MEP ta cla pa enfrenta retonan grandi di nos pais. Falta solamente e mandato di pueblo.
![160812 awa](/images/2016-Q3/160812-awa.jpg)
Expresionnan haci den e articulo aki no necesariamente ta refleha opinion di ArenaPoliti.co