Evelyn Wever-Croes (MEP): Mi no kier cai den e negativismo di AVP y Baba Herde
![Evelyn71](/images/2016-press/Evelyn71.jpg)
"Mi speransa ta un calidad di ensenjansa digno pa nos muchanan"
ORANJESTAD -- Un aña escolar nobo ta bai cuminsa e siman aki, cu hopi reto y incertidumbre. Enseñansa a sufri hopi den ultimo 7 añanan bou e actitud NEGATIVO y DESTRUCTIVO di AVP. Pesey awe no tin ni un scol nobo cu a wordo construi. Pesey awe e klasnan mester bira mas grandi y e maestronan no tin suficiente atencion pa necesidad di cada alumno.
COMPARA MEP Y AVP: efecto di pensamento negativo di AVP
Den 8 aña di gobernacion di MEP a construi 6 scol nobo, y a renoba 14 scol. Den 7 aña AVP no a construi ni un scol y a renoba apenas algun, cu como consequencia cu falta scol na Aruba, y klasnan ta bira mas grandi. Riba dje gobierno no ta pone mas asistencia disponible na maestro y maestranan den forma di klas-assistent pa por duna e guia y sosten na alumnonan cu mester di esaki.
Un otro consequencia di e actitud NEGATIVO aki ta pa e grupo di alumnonan cu ta mas adelanta. Nan tampoco ta haya e atencion debido pasobra e maestro no tin tempo pa esey. E maestro tin su mannan yen cu alumnonan cu mester di extra atencion. Consequentemente e grupo di alumno cu potencial pa bai HAVO, no por wordo prepara mes bon pa bay hasi test pa HAVO. Y despues ainda hendenan ta puntra nan mes dicon e resultadonan ta kedando atras.
Tur esaki pasobra e gobierno actual ta asina NEGATIVO. Nada no por, si ta pa mehora enseñansa. Pa nan biaha, fiesta y hasi propaganda si tin miyones, pero pa inverti den enseñansa, e contesta semper ta NO.
Apesar di tur esaki mi ta nenga di laga e mesun NEGATIVISMO di AVP cu a afecta nos enseñansa, afecta e comienso di aña escolar 206/2017. Nos tin maestro y maestranan cu ta traha cu alma y curpa pa nos muchanan y esey ta yena mi di optimismo. Hunto nos por logra un mihor calidad di enseñansa una bes e gobierno NEGATIVO di AVP baua.
Di awor caba mi ta desea maestro y maestranan hopi exito den e aña escolar nobo. Nos compromiso ta pa inverti den enseñansa, pasobra nos muchanan merese mihor.
Expresionnan haci den e articulo aki no necesariamente ta refleha opinion di ArenaPoliti.co