Sra Mervn Wyatt Ras ta e ultimo persona na Aruba pa acusa hende drechi den e communidad aki. Un persona fracasa den poltica y un persona cu no tin sosten poltico pa ta un parlamentario. Un persona yena cu odio, sed y venganza. Un persona asina no merece di ta un representante di pueblo. Un persona cu ainda ta sinta yora su salida for di MEP. Den parlamento e ta bisa cu ora e la sali for di MEP e no a bai cas sinta yora. No, e la bai den parlamento y durante tur reunion e ta yora.

Loke e ta come bebe y lubida ta con Otmar Oduber a keda yame pa tante sidonia di Popeye El Marino soy durante un reunion den parlamento te ora e la pone yora y bandona sala di parlamento pa bai sinta yora den fractiekamer du MEP. E la lubida hopi liher con Mike Eman a yame pa sinverguenza ora e la haci un viahe pa Hulanda. Anto cu hendenan aki e ta sinta awe. Un persona cu lo unico e ta busca ta posicion pasobra voto e no tin.

Hende manera Wyatt Ras No tin ningun clase di credibilidad. Kende por tin confianza ainda den u persona fracasa manera Wyatt Ras, Su votonan cu e tin ta danki na e biyones di su suegro cu e por a cumpra consenshi di algun hende pasobra en realidad ningun hende por tin confianza den un flip flopper manera Wyatt Ras, E senjora aki a sostene 8 presupuesto di MEP, pa awor bin bisa MEP a goberna malo., que tristeza. Despues cu senjora Wyatt Ras a usa MEP su votonan pa ta presidente di parlamento pa 8 anja pasobra den su carrera poltico ainda e NO por a saca su mes cu votonan preferencial pa drenta parlamento a bula cura pa bai sinta otro banda hunto cu e fraccion di AVP.

Sra Wyatt Ras ta un ehempel bibo di un oportunista politico. Cambia idelogia pa puesto.Despues cu su suegro a strika biyones di florin na Aruba y awe e mes ta multimiyonario, awe ainda e kier yora MEP y saca su gal. Ora un hende cu a papia asina tanto di versobering cu derecho igual ta fix su mesun beneficionan den 6 minuut ta bisa hopi di ki clase di hende e ta. Mientras e ta vota pa castiga pueblo cu medida, kita subsidio di nos grandinan, kita subsidio di esnan cu limitacion fisico, net e cu ta miyonario ta vota den un reunion di 6 minuut pa fix su mes.

Expresionnan haci den e articulo aki no necesariamente ta refleha opinion di ArenaPoliti.co