Na e inicio di campanja electoral 2009 partido AVP a accentua masha fuerte mes cu durante nan periodo den gobierno di Aruba, lo tin un moratorium pa construccion di Hotel, condominium, etc….!! Esaki segun AVP cu e gobernacion di MEP lo tabatatin un lista di kamber di hotel cu lo no ta necesario y lo causa hopi consecuencia pa nos pueblo. AVP lo demonstra con pa goberna sin e necesidad di mas kamber di hotel.  No kabe duda cu gab. Mike Eman NO a tene cu mes na e promesa aki. Sinembargo si pueblo di Aruba ta consciente di locual tin den ‘pipeline’ anto  e significacion di e palabra ‘moratorium’ a smelt den tur sentido di palabra.

AVP a lubida kiko e presencia di mas hotel riba nos Isla lo trece cunele esta e necesidad di primeramente mas trajador, mas infra-structura, mas cas, mas scol etc y tur esaki lo mester bin di ‘saco’ di pueblo.   Un medio di comunidacion estableci na Corsow cu ta masha cerca di e actual gobierno di pais Aruba a publica un lista di projecto cu lo ta den proceso di worde prepara cu lo tin den su majoria  promesa pa tereno, etc.  Mirando e consecuencia di ejecucion di e lista di hotel aki PPA ta sinti necesidad pa publica esaki pa kada kende por analisa y huzga pa nan mes.

Prome cu nos cuminsa riba e lista aki PPA kier recorda kada kende cu e apertura  di e ‘Upgrader’ tambe lo rekeri un cierto cantidad di trahador di exterior y cu esaki tambe lo tin su impacto riba e infra-structura, cas etc di nos Isla.  Pa redobla esaki door di e construccion di tanto hotel y/of kamber acerca ta un pregunta hopi hopi scerpi ?? Tambe PPA kier  informa cu segun nos fuentenan ainda tin projecto di hotel  etc cu no ta menciona riba e lista publico cual lo aumenta ainda e necesidad di trajador, infrastructura etc…ainda mas. Seguidamente PPA ta ripiti e lista menciona di mas cu 3000 kamber di hotel, 726 All inclusive extra, 323 condiminium nobo y 95 townhose villa;s y bungalows, 

1. 126 uni Zoetra ‘all inclusive’  AN resorts na Savaneta,
2. 400 kamber na un resort hotel na Tierra del Sol di IberoStar,
3. Acqua 190 unidad cu 400 pa 500 kamber pa habr na 2018/2019,
4. 224 kamber na Marriott Residence Inn na Bubali  cu lo habri na 2019 pa Aruba Palm Group,
5. 108 condominium Bubali Plaza pa habri na 2019 pa e desarador este Aruba Palm Group,’
6. Posibe 135 unidad extra pa Divi Phoenix timeshare resort pa 2018/2019,
7. Posibel ‘conversion’di 380 kamber y additional 600 kamber na Holiday Inn den TUR all inclusive  resort pa AM resorts …..IHG lo por retene 22 kamber y operanan como Holliday Inn.
8. Azure condominium unidadnan cu lo bin pa zuid di Blue Residences esta 106 unidad pa 2019.
9. Las Olas Condominiums  lo ta zuid di Azure, Eagle Bach 49 condominiums pa posibel 2019,
10. Le vent Condominiums y townhouses, 40 donominiums y 5 townhouses .
11. Condo’s  20 unidad na Eagle Beach pa habri 2018,
12. 330 kamber  Embassy suites hotel pa Noord di blue residences na eagle beach opening laat na 2018,
13. 12 kamber Hotel na airport construi pa 2019 kizas Hyatt lo por maneje. (construccion a kada di inicia )
14. Projecto di un Hotel Princes hotels di Mexico 600 kamber pa habri na 2019.
15. Wanglo Suites cantidad no conoci di condominiums pa Noord di Tropicana,
16. Posibel expancion di Amsterdam Manner fase 1 di 135 kamber di hotel 95 condominums , 4O kamber di hotel den e fase dos,

Pa esnan cu ta consciente cu expancion di kamber di hotel na Aruba a crea e necesidad enorme di trece bastante mil trahador di exterior cual despues a causa basa riba ‘unificacion di famia’ un cantidad enorme di hende (cu tur respet pa nan !) acerca na e sociedad arubano. E pregunta di PPA ta ..si nos sociedad ta consciente di e miles cu lo bin acerca cu e apertura di e Upgrader, ta consciente di e impacto cu e lista aki lo por trece pa nos sociedad. Cu respet pa tur …….nos sociedad tin espacio pa carga esaki y/of ta prepara pa esaki cu e maneho di AVP lo por trece.  Cu e  Upgrader y e lista aki  ta preparando un otro 40/50  mil persona cu trajador y famia acerca !! Infra structura …?  Scolnan acerca etc…..Nos tin suficiente maestro di scol…..nos  WEB y Elmar por carga un expancion di tanto inversion den Hotel y casnan riba nos Isla ??? Aruba realmente ta cla pa esaki ??

PPA no ta kere den e ponencia di sr Otmar Oduber cu e tabata contra di esaki y na November esaki a ponele bandona AVP……mira un lista asina largo no ta crece  na November ultimo……..!! E lista aki a crece den curso di tempo y sr. Otmar Oduber ta participante na e lista aki. Su ponencia sinembargo ta demonstra cu su gobierno AVP y su partido den fundacion P.O.R. ta directamente responsabel pa e caos cu nos pueblo ta bibando aden y locual lo mester bin ainda.

Pesey e principio cu PPA ta usa pa presenta nos proximo lista di candidato na pueblo ta ….cu lo mester trata un lista di ciudadano cu NO ta responsabel pa e actual caos/crisis financiero/economico….Si bo tabata parti di e crisis bo no por ta parti di e solucion. PPA ta e alternativa pa e eleccion nos dilanti.

Entodo caso e ‘moratorium’ pa construccion di Hotel etc  cu AVP a anuncia fuertemente  ……a para smelt !!! No a resta nada di e promesa sagrado di AVP/POR    na pueblo di Aruba. Palabra lo ta den man di pueblo!!


Aruba,  14 januari 2017 
Lider Politico di PPA 
Benny Nisbet

Expresionnan haci den e articulo aki no necesariamente ta refleha opinion di ArenaPoliti.co