Ta increible con e manipulacion di e gobierno aki ta den tur nivel di gobernacion. Tur hende sa cu riba e agenda di Conseho di Minister di Reino tin un posibel KB pa Aruba debi na mal maneho financiero. E reunion aki ta tuma lugar diabierna awor.
Awor ainda Minister  Bermudez , cu ta esun  responsible pa finansas,  ainda  kier  vocifera    cu  e   no  sa  nada   di  e KB ni di e AMVRB,  mientras  cu  e  documento  en  concepto  ya  ta  den   man  di minister plenipotenciario na Hulanda  desde  siman  pasa.  No  por ta otro  cu  e minister aki tambe ta  ganja.  Supuestamente Bermudez kiermeen e no sa kiko CFT ta hasiendo, pasobra ta via whatsup nan ta comunica cun’e!
E draft di e KB a wordo manda na maart caba pa Gobierno di Mike Eman, pero ningun minister a worry pa actua.
Nan sa kiko ta bin, pero nan no ta worry. Nan por a hasi tur cos pa evita esaki, pero a scohe pa no evita e confrontacion. Ta parse mescos cu nan deliberadamente a regala nos autonomia na Hulanda, y despues kier bin yora.
Un homber cu ta hasi palabracion, y despues no kier cumpli cu su palabra taun cobarde. Pero un gobernante cu deliberadamente ta manda su pais bancarota, regala su autonomia y pone su pueblo pasa hamber, ta un burdugu y no merese bo confiansa HAMAS!

Expresionnan haci den e articulo aki no necesariamente ta refleha opinion di ArenaPoliti.co