E “vision” di e gobierno aki cu mester di fia placa pa crea e impresion cu e placa aki gobierno lo ta  bai inverti den diferente  proyectonan cu gobierno a cuminsa of lo bay cuminsa y cu tipo di “vision” aki lo  tin un crecemento economico di 3 % of  mas pa anja 2015 te cu 2018 y pa asina lo crea empleo pa cu nos. Sinembargo e “vision” aki no ta cuadra cu realidad.
Pa di prome na december 2014 CBA a publica cu e crecemento economico pa cu e aña 2015 lo ta entre 1,5 %  y 2,5 % basa ariba proyeccionnan y otro aspectonan economico concreto y realistico.

Na di dos luga for di e rapport di Raad van Advies fecha 23 Februari 2015 ta cuestiona Gobierno riba punto 6.4 unda Gobierno ta anuncia cu den anja 2015 lo bai cuminsa cu diferente proyecto nan cu ta wordu fianancia dor di FDA,AAA N.V.,FCCA,APA /Astec y RvA ta puntra Gobierno ta cua projecto nan y te awe no por a produci un lista di e projecto nan.

For di e rapportnan di IMF y CFT por a conclui cu e inversionnan di e delaster 5 anja nan di anja 2009 pa 2014 tabata menos cu 1% pa  anja, di cual un gran parti di e placa fia aki a bay pa paga debenan coriente of consumptiegoederen. Delaster  anja nan  nos  por  a  ripara  cu  casi  ningun  di  e  proyectonan  cu  gobierno  a  inicia  no  a  caba  na  tempo, locual  parcialmente lo nifica cu e inversionnan no lo bay tuma  luga manera a anuncia y cu dor di esaki nos crecemento economico lo no crece manera a premira den e  pronostico di mas anja( Meerjaren begroting 2015 – 2018) y cu esaki lo bay nifica cu e  saldonan  negativo riba e meerjaren begroting 2015–2018 lo ta mas grandi cu locual a premira .

Encuanto e vision di e gobierno cu e diferente proyectonan(Green Corridor, Hospital ,MFA) di cual  grandemente lo wordo financia door di sector priva den cual sector priva na anja 2018 lo bay presenta e  cuenta na pueblo cu lo tin cu bay paga entre 80y 100 miyon pa  anja pa un periodo 30  añanan  largo.

Hopi puntonan di salida of ehecucion di proyectonan cu a wordo menciona den e presupuesto 2015 no a wordo concretisa ainda of ni a jega Staten  mes..

Aruba su crecemento economico di e delaster anjanan despues di ceramento di Valero ta basa en grande riba e pilar turistico cu tur su riesgonan pa cu e anjanan nos dilanti y ta pa pesei PDR ta boga pa diversifica nos economia cu pilarnan economico realistico y cu ta trese trabao pa nos Arubianonan aki na  Aruba prome cu ta laat .

Expresionnan haci den e articulo aki no necesariamente ta refleha opinion di ArenaPoliti.co