Awor ta Melvin Tromp a cuminsa lastra parlamentarionan hulandes, pero a haya un contesta basta fuerte di e parlamentario Bosman. Cu globalisacion awendia nada cu bo bisa ta keda scondi, den un rato di ora e ta crusa te hasta oceano, y yega na orea di esnan concerni.

Y esaki Andre Bosman tabata tin di bisa di e acusacionnan di Melvin Tromp:

"Con baho bo por bira como parlamentario y representante di pueblo. Pero tambe e corant cu ta publik'e. E tiramento di lodo aki no ta yuda e pueblo di Aruba. Y tampoco ta husto pa marca ami como un persona cu ta contra tur cos di Caribe. Si hendenan kier skibi algo dimi, nan por tuma contacto cu mi libremente via mi email This email address is being protected from spambots. You need JavaScript enabled to view it.. Sigur mi lo contesta y mesora mi por splica mi banda di e medaya. Un corant mester busca tur dos banda di medaya, y mester duna derecho di replica, pa asina duna e miho calidad di su noticiero.Of acaso ami ta wak e cos fout? CU GUSTO MI KIER SCUCHA DI E CORANT Y TAMBE DI MELVIN TROMP KIKO NAN TA PENSA"

Palabra ta awor na Melvin Tromp y e redactor di e corant Awe Mainta pa contesta. Aki no tine spacio pa tira piedra y sconde man, aki mester demostra curashi y mustra si bo ta para pa loke bo ta bisa.

Expresionnan haci den e articulo aki no necesariamente ta refleha opinion di ArenaPoliti.co