Evelyn Wever-Croes: Fraccion di MEP a reuni cu Fundacion Hende Muher Den Dificultad
Despues cu den parlamento Hulandes a trata e ley di reino contra violencia domestico, cu ta aplicable pa Aruba tambe, e parlamentarionan di MEP a sigi den nan reunionnan pa por forma un mihor opinion con e stiuacion ta na Aruba riba e tereno aki.
Den e cuadro aki lider di fraccion Evelyn Wever-Croes, hunto cu Xiomara Ruiz-Maduro y Dangui Oduber a reuni cu Fundacion Hende Muher den Dificultad pa haya mas informacion di violencia domestico na Aruba. Tambe nan a ricibi informacion di e Fundacion mes, y especialmente e retonan cu e Fundacion tin su dilanti.
"Diahuebs nos a reuni cu sra. Yvonne Spellen di Fundacion Hende Muher den Dificultad riba e problematica di violencia contra hende muher na Aruba. Nos tin hopi trabou pa hasi, cu mucho poco poco fondo, pero e ta nos compromiso pa hasi tur locual ta posibel pa yuda e Fundacion aki. Un cos si, mientras cu e wowonan ta riba soluciona e MEGA DEBE y bancarota financiero di nos pais, nos problemanan social lo aumenta. Mester mas man, mas fondo, y especialmente mas compromiso di esnan na mando pa yuda esnan mas vulnerable den nos comunidad.",segun Evelyn Wever-Croes despues di e reunion.
Expresionnan haci den e articulo aki no necesariamente ta refleha opinion di ArenaPoliti.co