Sra. Evelyn Wever-Croes a visualisa cu mal maneho financiero di Gobierno lo haci bida di cada uno di nos bira hopi caro. El’a lidera fraccion di MEP pa documenta esaki den e rapport ‘Feestvierend ten Ondergaan’ na juli 2013.
Contenido di e rapport aki a ponemi bolbe bek den politica. Den mi prome encuentro cu Lider, su persona a puntra conta cu e famia y mi mayornan. Pues su interes primordial ta pa e ser humano. Esey te cu awe t’asina y ta demostra su sinceridad.
Den campaña Evelyn a dedica hopi tempo na e contenido di nos programa y a pone hopi enfasis cu e mester ta na interes di e ciudadano. Su energia cu el’a demostra tambe tabata contagioso door di su estilo, esta ‘lead by example’.
Mi admiracion y respet a crece door cu su persona a asumi un reto pa lidera MEP den su momento mas dificil. Evelyn a sa di hiba MEP di cinco pa siete asiento den apenas dos aña como Lider. Evelyn a sa di haci esaki apesar di traicion, abandono y critica. Muestra di Liderazgo!!
Prome accion como Lider di Oposicion na 2013, Evelyn ta pone Integridad riba agenda politico den Reino. Algo di aplaudi. Su entusiasmo como Lider a solamente bira mas grandi ora e ta scucha y sinti e dolor cu tin den pueblo.
Evelyn su compromiso ta uno profundo. Mi por a conoce un otro banda di su persona cu perdida di su ruman (q.e.p.d.). Con dificil cu e temporada ey tabata y ta ainda, Evelyn ta compronde cu su conviviencia ta uno cu e pueblo.
Su decision pa lucha pa nos libertad ta uno determinante. El’a dicidi cu su derecho fundamental como Parlamentario a wordo kita (su budgetrecht). Su prerogrativo pa trece cambio den un presupuesto unda e prioridad mester ta, a bay pa Hulanda. Awor su oranan di dia ta cana den pueblo y bisanan cu Solo Ta Sali pa Nos Tur.
Den Conseho di Partido ami a secunda e mocion pa aclama sra. Evelyn Wever-Croes como Lider di MEP den nos Congreso 27 di september venidero. Cu Dios bendiciona y guia su persona den su mision pa Nos Dushi Aruba.

Expresionnan haci den e articulo aki no necesariamente ta refleha opinion di ArenaPoliti.co