Den conferencia di prensa di PDR Andin Bikker a elabora riba e topico aki. El a splica cu Diabierna cu a pasa, atardi, e presupuesto a drenta Staten.  Andin a splica cu tin biaha PDR ta puntra su mes kico a para di 


Manjan lo trata presupuesto supletorio den Parlamento y ya caba el a excede!

Manjan lo trata e presupuesto supletorio den Parlamento. Den conferencia di prensa semanal Andin Bikker, lider di PDR a splica esaki y el a papia tambe di e budgetrecht di Parlamento. Bikker a trece dilanti cu e tarea mas importante di Parlamento ta controla con gobierno ta bay on cu su entradanan di placa di pueblo, y cu den nan seno e ta wordo yama Budgetrecht, caminda staten por coregi cierto manehonan y bin cu amienda, pero solamente ora nan ta haya e presupuesto na tempo.
E anja aki Parlamento a haya e begroting na Mei y dia 15 a wordo aproba pa e fraccion mayoritario, y esey caba ta siete luna laat, y asina aki no por a haci mucho coreccion. Awo aki nan ta bin cu un presupuesto supletorio cu a wordo entrega dia 11 di December atardi riba un Diabierna.
Raad van Advies ta bisa den su conseho den su ultimo pagina cu e presupuesto aki a bin asina laat, cu kico por haci awor? El a bolto pa dia 14 pues falta un par di dia so prome cu anja sera. Si tabata un presupuesto cu bo por ahusta un cien mil akinan, 25 mil akinan, pero e presupuesto aki a bolbe demostra cu den miyones a wordo surpasa, di e presupuesto cu a yega siete luna largo. Kico ta bay haci awor? Bende propiedad di pueblo ad hoc, Bikker a bisa.
Esaki no ta soluciona e hecho cu gobierno ta gastando placa di mas. Tin otro aspecto, diripiente gobierno a bisa cu nan ta bay tuma dividendo di WEB y ELMAR siendo cu pa anjanan por a tende gobierno cu nan no ta bay tuma dividendo di ningun di dos, pa no tin aumento riba prijs di awa y coriente. Bikker a splica papiando di budgetrecht cu tin dos presupuesto: un a yega siete luna laat y ya caba sumanan astronomico mester wordo fia, y aworaki ta bin cu un presupuesto supletorio cu sumanan astronomico a wordo excedi atrobe y esaki ta haci e situacion hopi fastioso.
Historia a demostra desde cu Aruba tin jaarrekening cu si e presupuesto a wordo surpasa of mester ahusta algo, por bin cu supletorio. E mehor escenario ta pa no tin supletorio pasobra e ora ey e ta ok. Bikker a bisa cu mester tene cuido cu presupuesto 2015 esun prome y e supletorio tur dos wordo surpasa y despues tambe e jaarrekening.
Tres biaha e gobierno aki ta bay pone Parlamento den Sala cu reunionnan hopi pisa cu baha for di nivel pa dal bay y sigui hinca Aruba den debenan sin un manera structura, y sin prome minister na Aruba atrobe pasobra e ta na Paris atrobe, spanta hende cu tur sorto di escenario cu awa ta bay subi caminda, pero no lo wak na Aruba presente durante tratamento di e presupuesto. E ta spera cu e lo honra Parlamento cu su presencia despues di ta lunanan ausente den Parlamento.

Expresionnan haci den e articulo aki no necesariamente ta refleha opinion di ArenaPoliti.co