Na anja 1994 ora mi a regresa for di Hulanda como Ministro di Transporte y Comunicacion  cu un acuerdo firma cu E.C.T. (Europe Container Terminal) encuanto un estudio cu nan lo a hasi  encuanto  mudamento di e Containerhaven for di Oranjestad pa Barcadera…mi a worde ricibi cu remarcanan mixto te negativo. Splicando  den Conseho di Ministro e beneficionan di un eventual mudamento tanto pa hasi uso di e haf di Barcadera cu den tempo di Sr. Juan E. Yrausquin a worde apunta como e haf Industrial di Aruba y a funciona como tal pa un 16 anja. Despues di cu A.C.I.(Aruba Chemical Industries) a sera su portanan casi e haf di Barcadera no a worde usa … pa algun desaroyo so  mi a ricibi remarcanan cu e vision aki lo ta mucho grandi pa Aruba. Mi a duna e splicacion aki tambe den un reunion na Staten y mi a ricibi como comentario di e lider di e fraccion den oposicion cu mi vision pa muda e haf for di Oranjestad pa Barcadera lo tabata mucho grandi…..e lo costa mucho placa  y mihor mi lubida riba e vision aki.,

Despues den curso di anjanan tanto ora PPA tabata representa den Staten di Aruba como ora PPA tabata pafor di parlamento di Aruba PPA a keda cuestiona  TUR ministro encarga cu nos haf riba e vision aki ….kada kende AVP y MEP tabata splica cu lo tabatatin industianan ta tumando lugar. Bao di gabinete H. Eman un grupo Cubano y bao di gabinete Oduber un grupo spanjo. Mientras tanto 20 anja a transcuri y por find bao di gabinete Mike Eman a cuminsa ejecuta e vision di PPA cu AVP mes a rechasa fuertemente den prome instancia pa despues poco poco ora e diferente instudionan a cuminsa drenta nan a cuminsa realisa cu e vison di PPA iniciando bao di sr. Juan E. Yrausquin q.e.p.d. sigui bao di x Ministro di Transporte y Comunicacion Benny Nisbet tabata un vision grandi.,…impactante y lo por desaroya su mes na un desaroyo hopi grandi pa Aruba.

VISION DI PPA !

Den TUR programa pa eleccion  bo por encontra e vision di PPA cu ta worde splica na forma hopi cla:

1. Construccion di un Barcadera Container Haven.
2. Construccion di un Barcadera Free Zone.
3. Construccion di  un Aruba World Trade Center(Showcase)
4. Mehoracion di e fascilidad di Cargo pa nos Aeropuerto.
5. HUB pa Pashero y Carga.
6. Completa Ring Weg  3
7. Expansion di e Caretera San Nicolas – Oranjestad…etc
   
   

Ningun otro partido politico a projecta un alternativa asina cla pa e movicion di Containerhaven for di Oranjestad pa Barcadera !! Ningun otro partido tin e cantidad di declaracion hasi tanto den Staten como pafor di Staten den sosten pa  e mudamento di e Containerhaven for di Oranjestad pa Barcadera. Ningun otro partido politico por bati riba su pecho cu nos vison pero tambe nos esfuerzo  a pone cu diferente signature di gobierno mester a keda dedica atencion na e  vision di partido PPA  te ora e estudionan a indica cu PPA lo tabata tin razon !! No kabe duda cu e actual gobierno di AVP tin nan contribuiccion como cu bao di nan a inicia y  lo complete e mudamento aki ….pero nan NO por kita for cu ta keda un vision cu PPA a presenta, defende  pa habri entre otro nan wowo !!   A perde 20 anja pero a logra di hasciele un realidad…!!

IMPACTO EXPANCION PANAMA …!!

E  expancion di  e ‘slotnan’ di e asina jama Panamacanal realmente tabata otro  alternativa cu diferente isla den Caribe  tabatatin si realmente a prepara pa esaki. Lamentablemente  Aruba bao di diferente signatura  no a conoce e vision aki.  Majoria di e  hafnan di East Coast Mericano  no ta cumpli cu e condicionan pa por ricibi e vapornan asina jama  ‘post panama vessels’ cu ta hopi mas grandi cu e  actual  ‘ panama vessels’  especialmente e profundidad di un haf ta un ‘condition qua non’.Pa colmo e procedura completo pa nan ta dura un 20 anja of mas…..consequentemente e companianabarconan  lo mester hasi uso di varios haf den Caribe pa sirbi como HUB.   Na anja 2010 ora Aruba a negocia un acuerdo nobo cu  Valero Aruba a ricibi e oportunidad  unico di por a pone condicion pa uso di e haf door di tanto Valero como  industria di crudo pero tambe uso di e haf di San Nicolas como haf di Container. Pakiko ?  Pasobra e unico haf di Aruba cu ta cumpli cu e condicion di un profundidad di 16 meter of mas ta  e asina jama ‘ Sea berths/haf di San Nicolas. Lamentablemente e Ni e ministro encarga cu  energia e tempo ey ministro Mike de Meza  Ni e ministro encarga cu economia sra Hooyboer no tabata consciente di e  posibilidad aki y Aruba a perde un oportunidad unico, Hasta lo por a pensa di  coba un parti mas di e haf di San Nicolas pa mas su e sitionan ta den posicion pa worde usa pa un desaroyo nobo. Lamentablemente e tempo ey Aruba a  perde e alternativa aki.

REAPERTURA DI NOS REFINERIA!

PPA ta kere fielmente cu  si e  haf di San Nicolas worde entrega den man di gobierno di Aruba cu kizas no ta laat pa evalua e  vision aki ainda di PPA y analisa den ki forma  tanto e refineria como un Containerhaven lo por hasi uso di esaki !! Kizas nos ta un poco laat pero cu un bon coordinacion kizas ainda Aruba lo por hunga un rol aki den futuro cercano.

VISION DI UN  ARUBA WORLD TRADE CENTER !

For di 1994 ora  mi persona a presenta e vision aki mi a accentua e espacio cu lo bin liber y cu lo mester di un planificacion pakiko e lo por worde usa  na Oranjestad. PPA a presenta publicamente nos vision pa construi un Aruba World Trade Center  riba parti di e tereno cu ta bin liber. Segun  e expertonan den seno di PPA e lo por bira un ‘homerum’ pa Aruba.  Un Aruba World Trade Center cu sosten di dos hotel di business Internationalmente lo por bira un parti di e di TRES pilar economico di pais Aruba (contal e refineria habri bek !) si no e lo por bira e di dos pilar economico di pais Aruba. Aruba mester ‘reach for the sky’……y PPA ta e unico partido  cu e presenta e vision aki pa crea un alternativa acerca  pa e generacionan  cu lo sigui nos. Den mas comunicado nos lo keda bin bek riba nos vision !!

Aruba, 31 di januari 2016                                   Lider Politico di PPA

                                                                               BENNY NISBET

Expresionnan haci den e articulo aki no necesariamente ta refleha opinion di ArenaPoliti.co