GOBIERNO DI AVP A BOYCOTIA E PROYECTO Y ASINA A DESTRUI PROPIEDAD DI PUEBLO 

ORANJESTAD – Corte siman pasa a duna un veredicto cu ta devastador pa Gobierno di Aruba tocante e proyecto di dump na Parkietenbos.
6 anja pasa, ora cu AVP a drenta den gobierno, no kier a continua cu e proyecto di MEP di reciclahe di sushi na Parkietenbos y a hasi tur lo posibel pa boycotia e proyecto.
Den e veredicto di siman pasa corte a pone tur culpa cu e proyecto no a funciona, riba lomba di gobierno.
Hues a elabora riba 3 pregunta: 1) si e fluff cu e machinnan ta saca ta toxico, y e conclucion ta cu e NO ta toxico. 2) si e machinnan no por separa sushi, y e conclusion ta cu e machinnan POR separa sushi masha bon, 3) si e machinnan no ta sirbi, y e conclusion ta cu e machinnan TA sirbi. E hecho cu nan no a funciona nunca ta debi cu gobierno no tabata pone diesel den nan, y no tabata mantene nan. Durante e periodo di test nan a funciona bon, y despues cu gobierno a boycott e proyecto, nan a stop di funciona

CONSEQUENCIA DI VEREDICTO
E veredicto aki ta pone minister Benny Sievinger den un situacion mas dificil cu e tabata caba. E minister ta centro di un escandalo tras di otro. Casonan den Corte den cual hues a bati mahos riba su dede pa duna “geen bezwaar” pa regala tereno. Prueba cu e minister a privilegia un amigo ora el’a baha e balor di e propiedad, djis pa e amigo paga menos erfpachtscanon. Hasi negoshi cu sr Roberto Rincon, dune mas propiedad sin screen e persona. Un simple screening via GOOGLE segun e minister ta suficiente, siendo cu ley ta exigi un screening mucho mas severo den casonan asina. Riba tur e escandalonan aki awor ta bin e veredicto aki den cual hues ta bisa cu ta minister Benny Sievinger a boycotia e proyecto, y asina a destrui capital di pueblo, y a benta 28 miyon florin afo. Y pa esaki e minister mester wordo responsabilisa, y e mester paga bek delaster un cen cu el’a horta di pueblo cu e proyecto aki.

Locual mas a resalta ta e tantisimo comentarionan cu ta stranjo cu gobierno a bai den e caso aki, sabiendo di antemano cu nan ta bai perde e caso. Hues a pone tur, pero tur responsabilidad bek den scochi di gobierno y a dicta cu e compania Bouldin & Lawson no a hasi nada malo, cu e compania Bouldin & Lawson a cumpli cabalmente cu e contract y cu su obligacionnan, cu e fluff no ta contamina ni ta toxico, y cu e machinnan pa procesa sushi tabata traha masha bon te ora gobierno a boycotia e proyecto. E unico pregunta ta keda awor: ki dia minister Benny Sievinger ta tene honor na su mes y entrega su retiro, esey ta si en caso e sa kiko kiermeen e palabra ‘honor’.

Expresionnan haci den e articulo aki no necesariamente ta refleha opinion di ArenaPoliti.co