Nos por a tuma nota con Desiree Croes a ataca Lider di MEP na un manera masha baho mes sacando su gal pa purba tapa entradanan lucrativo y fiestamento di su casa Da Sousa.  Desiree cu un yoradera mescos chilindrina acusando Lider di MEP cu yen di disparate. Segun Desiree  su casa Da Sousa no ta gana ni minimum loon den Lotto. Con hipocrita y sin escrupulo Bo por ta pa keda engaña un pueblo tratando na susha Lider di MEP su nomber? Laga nos refresca Desiree su memoria cuminsando cu e “world tour” cu casa di Desiree a haci riba custia di Lotto. Bo tambe tabata den e “SAUCE” aki cu Bo frei e tempo aya y awe bo casa Da Sousa? Puntra nos ta puntra. Un total di 27 dia den exterior riba business trip y Lotto ta paga. Aruba-Miami/Miami-Las Vegas/Las Vegas-London/London-Roma Italia-/Roma Italia-London/London-Amsterdam (bay hiba Desiree Hulanda bek ?)  /Amsterdam-London/London-Miami y Miami-Aruba. Nos tin esaki documenta si Bo kier sa.  Asina segun Desiree su casa Da Sousa a caba cu tur fiesta den Lotto riba custia di pueblo manera Desiree ta pretende den su articulo fofo?  Casi 100 mil florin aki den un solo tiro.  Desiree bin dilanti y splica pueblo si bo tambe tabata riba e biahe di gozo aki? Desiree bo no tin berguensa di ataca Lider di MEP anto cu engaño? Nos ta reta Desiree pa contradeci esaki. Desiree ta corda 4 camara cu  Lotto a cumpra y instala na casnan di miembronan di Bestuur  cual a costa Afl.80 mil florin? Como parlamentario cu ta traha ley, Bo no ta haña esaki ta contra Ley y alavez  un abuso mientras deportistanan ta den solo ta bende rifa Bo casa ta atraca Lotto na e manera aki? Desiree por informa pueblo si su casa ainda ta of tabata  huur espacio den su kantoor di abogado na Lotto como kantoorruimte? Esaki ta normal? Cuanto e tabata strica akinan?  Desiree por informa pueblo cuanto placa su casa a cobra Lotto na juridisch advies desde Januari 2010? Tur esakinan ta cay pafo di  e minimum loon cu Bo casa ta cobra? Nos lo bin pa e minimum loon aki bek anto cu prueba. Cambiando di Lotto, gastonan total den presupuesto 2016 pa paga abogadonan amigo di AVP entre nan Da Sousa tambe a subi di 13 miyon den 2015 pa 15 miyon den presupuesto 2016. Ainda Desiree kier mantene su actitud salvahe acusando Lider di MEP y su tata riba cobransanan di abogado pa trabounan eherce? Si bo ta kere cu tin algo malo den cualkier cobransa anto como parlamentario bay OM entrega keho y stop cu Bo shisheria. Desiree awor kier tapa maldadnan di su casa cu un dede.  Laga ta bon cla cu ora Desiree mishi cu Lider di MEP por spera reaccion di inmediato pa corigi su engañonan y algun biaha mi lo baha na su nivel pa e por compronde. Bo no por ta papia bobedad y kere cu esaki lo pasa sin mas.   Lider di MEP ta integro y hamas Bo por compara Bo mes cu Evelyn Wever Croes.

Expresionnan haci den e articulo aki no necesariamente ta refleha opinion di ArenaPoliti.co