Glenbert Croes (MEP): Aruba no por depende solamente riba turismo pesei reapertura di refineria ta di vital importancia
Actualmente e desaroyonan turistico pa pais Cuba ta den full swing mirando cu nan a caba di firma acuerdonan di aviacion cu gobierno di Merca. E impactoy efectonan di e acuerdonan aki tin cu wordo teni na cuenta ya cu nos ta papiando di 30 vuelo saliendo di New York pa Cuba. Mi ta trece esaki dilanti ya cu e por bira un desaroyo preocupante pa e turismo di nos pais.
Nos pais semper a depende riba turismo y un desaroyo asina logicamente por traduci su mes den consecuencianan pa nos product turistico y minister di Turismo mester bai dedica su atencion na dje. Ultimo tempo a introduci un cantidad di impuesto y cobransanan adicional cual ta pone cubo ta core cu turistanan door cu e Mercado no ta atractivo mas y asina ta busca otro destinacion.
Laga nos realisa cu turismo ta unico pilar economico y netamente pa esaki nos tin cu bai diversifica nos economia pa si encaso no ta fuertemente para. Re-aperture di refineria no solamente lo bai crea e cuponan di trabou necesario pero lo bai boost nos economia asina creando otro oportunidadnan pa sigui traha riba mas pilarnan economico. Un cos ta sigur mirando e desaroyonan di turismo den Caribe nos no por sigui depende riba turismo so y pesei reapertura di refineria ta di vital importancia.
Expresionnan haci den e articulo aki no necesariamente ta refleha opinion di ArenaPoliti.co