Glenbert Croes (MEP): Fraccion di MEP a pidi un reunion publico pa asina defende derecho di trahadornan na Aura Casino
Nos ta entregando un peticion pa trata cu urgencia e situacion cu 44 trahador di Aura Casino ta pasando aden. E postura di Occidental y negligencia di parti gobierno di Aruba ta dunando tur espacio pa yega na un operador nobo pero no ta duna ningun espacio pa garantisa salario di trahadornan.
Enbista cu doñonan bieuw a sera porta y gobierno no a tuma responsabilidad pa e derechonan y bienestar di e trahadornan pa por sigui haya nan salario nos di fraccion MEP kier bai atende esaki. Loke semper tawata e caso ta cu AVP den gobierno semper a tuma parti pa e companianan y no e clase trahador.
Nos kier nos hendenan wordo bon trata y bon paga. Loke ta pasando awor cu e caso di Aura Casino caminda cu tur ministernan ta hinca den dje ta hasi e situacion peor y menos transparente pa e trahadornan. No ta tolerabel cu e trahadornan lo keda desampara y ta pesei mes nos kier percura pa salvaguardia interes di e 44 tata y mamanan di famia pa haya nan salarionan atrasa. Un cos ta sigur sinta man crusa den un asunto asina aki lo no yuda cu nada y ta un deber pa jama e minister di Labor sr. Croes bin duna cuenta
Expresionnan haci den e articulo aki no necesariamente ta refleha opinion di ArenaPoliti.co