Gabinete ME II: Medayanan conmemorando coronacion di Rey Willem-alexander pa miembronan di Parlamento di Aruba
Minister Plenipotenciario di Aruba na Hulanda, Sr. Alfonso Boekhoudt, tabata bek na Aruba pa su prome bishita di trabou e siman cu a pasa. Entre otro, e Minister cu ta representa Gabinete Mike Eman II na Hulanda, a compaña y tabata guia un delegacion di participantenan Hulandes di conferencia ‘Green Aruba – Where Europe meets the Americas’. Sr. Alfonso Boekhoudt tabata tin un sorpresa tambe pa miembronan di Parlamento di Aruba cu tabata presente na coronacion aña pasa di Su Mahestad Rey Willem-Alexander. Tabata trata aki di medayanan di su conmemoracion di e coronacion cu a tuma luga fin di April aña pasa.
E ta un tradicion cu esnan cu tabata tin un rol den toma di posecion di un hefe di estado ta haya un medaya conmemorativo. For di Hulanda e peticion a bay na Minister Boekhoudt pa hiba e medayanan Aruba. Presidente di Parlamento di Aruba a tuma e medayanan y lo percura pa nan wordo entrega na e Parlamentarionan corespondiente
Expresionnan haci den e articulo aki no necesariamente ta refleha opinion di ArenaPoliti.co