7 luna pasa a elogia Betico, awe kier nenga Betico

ORANJESTAD -- Mike Eman lo drenta historia como un persona di dos cara. Dia di su welga di hamber, diripiente, di nochi pa mainta, Mike Eman a bira un admirador di Betico Croes, te hasta e kier a muri pa su pueblo, mescos cu Betico Croes. Na juli, den su welga di hamber, ela hasta purba manipula AVP-istanan cu Betico ta nan idolo, su radio tabata transmiti grabacionnan di Betico, dunando e impresion cu nan tambe a realisa e papel importante cu Betico a hunga pa nos pais.
Sinembargo, algun luna mas leew, Mike Eman ta mustra su cara berdadero atrobe. Dia di Betico e tabata riba un di su tantismo biahenan, pa asina evita di tin di menciona nomber di Betico. Dia di Himno y Bandera, Mike Eman a percura pa den ningun acto oficial menciona e memoria di Betico. Hasta a cambia e nomber di e dia: pa AVP e no ta Dia di Himno y Bandera, sino Dia Nacional.
Unda e palabranan di Betico a keda, cu Mike Eman tabata ripiti na juli? Acaso ta asina liher ela lubida nan?
E berdad ta cu e cara berdadero di Mike Eman ta esun di odio y envidia contra Betico, y durante su welga di hamber tabata puramente un show di manipulacion. Esta un berguensa. Mike Eman nunca tabata meen e palabranan ni accionnan durante su welga di hamber, esey awor ta un hecho comproba.

Expresionnan haci den e articulo aki no necesariamente ta refleha opinion di ArenaPoliti.co