MEP: Candidato di MEP sr. Gerick Croes cu sorpresa pa nos grandinan
Den e ultimo simannan cu a pasa e hoben riba lista di MEP sr. Gerick Croes a bishita diferente di nos grandinan den comunidad sea personalmente na nan cas of na e club cu nan ta forma parti di dje. Loke a resalta di e bishita di e hoben aki ta cu e la sorpresa tur nos grandinan cu un cariñito y den e caso aki tawata caarchinan di Bingo pa nos grandinan. Manera ta conoci nos grandinan ta fanatico fiel di bingo y en conexion cu e bingo di Movimiento Electoral di Pueblo di diabierna awor e la hasi entrega di varios caarchi pa asina nos grandinan por bai diverti y entretene nan mes algun ora y logicamente cu chens di gana premionan atractivo. Sr. Gerick Croes kier a desea nos grandinan y tambe tur persona cu lo ta hungando bingo diabierna awor hopi suerte y spera cu lo por pisca un di e premionan mayor. Pa termina sr. Croes kier a manda palabranan di gradicimento na tur persona y tambe negoshinan cu a coopera pa hasi e bingo un exito y colabora cu e cariñito pa nos grandinan.
Expresionnan haci den e articulo aki no necesariamente ta refleha opinion di ArenaPoliti.co