Habitantenan di Playa tambe mester paga pa parkeermeter! Esaki a keda dicidi pa Minister Otmar Oduber y e parlamentarionan di AVP. Si Gobierno pone parkeermeter dilanti bo cas, bo tambe mester paga 40 FLORIN PA LUNA, pa bo parkeer dilanti bo mesun cas! 
E ansha di AVP pa suta pueblo cu medida ta bai asina leew cu hasta habitantenan lo wordo cobra pa parkeer nan auto dilanti nan cas.

Fraccion di AVP a entrega un mocion pa pidi pa habitantenan paga un tarifa redusi. Esey a indigna Fraccion di MEP, pasobra di ki dia bo mester paga pa parkeer dilanti di bo cas? Anto e parlamentarionan di AVP ta di acuerdo cu Otmar Oduber, cu habitantenan mester paga dilanti nan cas, pero kier un tarifa poco mas abou. E abuso di parti di fraccion di AVP ta increible, pesey nos a vota contra e mocion ey y nos a vota contra e ley tambe. Pasobra e medida aki pueblo no por carga mas. Lamentablemente MEP tin e minoria, y e mayoria di AVP a dicidi di suta pueblo cu e medida aki.

Aruba merece mihor, Aruba merece un gobierno mucho mas mihor, un gobierno cu ta maneha poniendo e pueblo prome.

Expresionnan haci den e articulo aki no necesariamente ta refleha opinion di ArenaPoliti.co