Baba Herde, lider di fraccion di AVP, ta purba bruha tera atrobe. Segun Baba ora bo bai supermarket, no worry cu tur cos ta subi cu 1%, pasobra toch turistanan tambe ta paga e aumento di BBO. Baba ta insulta inteligencia di e rubiano. Berdad Baba kier pa bo pensa cu e ta hasi bo menos dolor, pasobra turista tambe ta pag'e? Asina estupido Baba ta kere cu hende ta?
Pa Baba su informacion SEMPER turista a paga BBO, anto e ora dicon na anja 2007 AVP a hera kima henter Aruba, anto awor AVP kier pa bo pensa cu e no ta hasi dolor?
Ta hopi tristo ora cu hendenan ta boltia asina liher di punto di bista.

Pero e pregunta cardinal cu bo mester hasi Baba ora bo mir'e: Baba dicon bo no ta manda dos minister cas? Si bo manda nan cas, ta scapabo 17 miyon florin pa anja, anto e ora bo no tabata tin nodo di aumenta e BBO, pasobra e aumento di e BBO ta dunabo solamente 15 miyon mas.

Pero e pregunta ey Baba no kier contesta, of e no tin mag di contesta. Pasobra den AVP ta solamente locual Mike Eman autorisa, nan mag di papia. Ningun mag di bisa kiko nan ta pensa. E parlamentarionan di AVP ta cansa caba cu nan no mag di expresa nan opinion, especialmente esnan nobo, cu kier sali na defensa di pueblo, no ta wordo permiti.

Y mientras tanto Mike Eman ta core pa su responsabilidad, y ta core pa debate cu lider di MEP.

Expresionnan haci den e articulo aki no necesariamente ta refleha opinion di ArenaPoliti.co